پرەزيدەنت ماقالاسىندا قازاقستاننىڭ ءوسۋ جانە قالىپتاسۋ كەزەڭى تۇگەل قامتىلعان – سەرىك بەرقامالوۆ

1608
Adyrna.kz Telegram

«قازاقستان زاڭگەرلەر وداعى» رقب نۇر-سۇلتان قالالىق فيليالىنىڭ توراعاسى سەرىك بەرقامالوۆ قر پرەزيدەنتى قاسىم-جومارت توقاەۆتىڭ «Egemen Qazaqstan» گازەتىندە جاريالانعان «تاۋەلسىزدىك بارىنەن قىمبات» اتتى ماقالاسىنا قاتىستى وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ ماقالاسى قازاقستاننىڭ ءوسۋ جانە قالىپتاسۋ كەزەڭدەرىن تۇگەل قامتىلعان. ماعان، اسىرەسە، ماقالاداعى تاۋەلسىزدىك - ەڭ ۇلكەن قۇندىلىق ەكەندىگى تۋرالى ويلار ۇنادى. تاۋەلسىزدىگىمىز 1991 نەمەسە 1986 جىلى قالىپتاسقان جوق، ءبىزدىڭ تاۋەلسىزدىگىمىزدىڭ تاريحي تامىرى تەرەڭدە. مەملەكەتتىڭ تاريحي ساباقتاستىعىن ءتۇسىندىرۋ بويىنشا مەملەكەتتىك جوعارى دەڭگەيدە ناقتى باعىت بەرىلۋى – وتە سيرەك كەزدەسەتىن جاعداي»، - دەيدى «قازاقستان زاڭگەرلەر وداعى» رقب ەلوردا فيليالىنىڭ توراعاسى سەرىك بەرقامالوۆ.

ونىڭ ايتۋىنشا، بۇكىل الەم اۋماقتىق تۇتاستىعىمىزدىڭ حالىقارالىق شارتتارمەن بەكىتىلگەنىن مەملەكەت باسشىسىنىڭ ءوز اۋزىنان ەستىدى.

«ماقالادا كاسپي كونۆەنتسياسى تۋرالى دا ايتىلعان. ياعني، ءبىز كاسپي تەڭىزىنىڭ كاسپي جاعالاۋىندا ورنالاسقان مەملەكەتتەر اراسىندا بولىنۋىنە قاتىستى ۇزاققا سوزىلعان داۋلى ماسەلەنى شەشتىك. ءوز مۇددەمىزدى قورعاۋ تۇرعىسىنان الىپ قاراعاندا بۇل ءبىزدىڭ مەملەكەتىمىزدىڭ ۇلكەن جەڭىسى دەۋگە بولادى»، - دەيدى ول.

سونداي-اق، ول قاسىم-جومارت توقاەۆ ماقالادا كوتەرگەن ەكولوگيا تاقىرىبىنا دا توقتالىپ ءوتتى.

«ءوز جەرىمىزگە ءوزىمىز زيان كەلتىرىپ جاتقانىمىزدى مويىنداۋىمىز كەرەك. پرەزيدەنت كوبەيتۇز كولى، كوكجايلاۋ شاتقالىنا قاتىستى ەكولوگيالىق ماسەلەلەردى ايتىپ ءوتتى. زاڭگەر رەتىندە ايتارىم، جەر انانى قۇرمەتتەۋ، ەكولوگياعا جاناشىرلىقپەن قاراۋ سياقتى كەيبىر نارسەلەردى زاڭمەن قاداعالاۋ قيىن. بۇل ماسەلەگە قاتىستى سۇراقتار مۇنداي ارەكەتتەر ءۇشىن زاڭ اياسىندا قالاي جاۋاپ بەرۋگە ەمەس، ادامداردىڭ تاربيەسىنە، وسكەلەڭ ۇرپاقتىڭ تاربيەسىنە بايلانىستى تۋىندايدى. بالا كەزدەن باستاپ تابيعاتتى ايالاۋدى ۇيرەتۋ كەرەك. ماقالادا وسىعان قاتىستى وتە ورىندى وي ايتىلعان، ول وي حالىق تاراپىنان قولداۋ تابادى»، - دەيدى سەرىك بەرقامالوۆ.

پىكىرلەر