Prezident maqalasynda Qazaqstannyŋ ösu jäne qalyptasu kezeŋı tügel qamtylǧan – Serık Berqamalov

«Qazaqstan zaŋgerler odaǧy» RQB Nūr-Sūltan qalalyq filialynyŋ töraǧasy Serık Berqamalov QR Prezidentı Qasym-Jomart Toqaevtyŋ «Egemen Qazaqstan» gazetınde jariialanǧan «Täuelsızdık bärınen qymbat» atty maqalasyna qatysty osyndai pıkır bıldırdı, dep habarlaidy QazAqparat tılşısı. «Memleket basşysynyŋ maqalasy Qazaqstannyŋ ösu jäne qalyptasu kezeŋderın tügel qamtylǧan. Maǧan, äsırese, maqaladaǧy Täuelsızdık - eŋ ülken qūndylyq ekendıgı turaly oilar ūnady. Täuelsızdıgımız 1991 nemese 1986 jyly qalyptasqan joq, bızdıŋ Täuelsızdıgımızdıŋ tarihi tamyry tereŋde. Memlekettıŋ tarihi sabaqtastyǧyn tüsındıru boiynşa memlekettık joǧary deŋgeide naqty baǧyt berıluı – öte sirek kezdesetın jaǧdai», - deidı «Qazaqstan zaŋgerler odaǧy» RQB elorda filialynyŋ töraǧasy Serık Berqamalov. Onyŋ aituynşa, bükıl älem aumaqtyq tūtastyǧymyzdyŋ halyqaralyq şarttarmen bekıtılgenın Memleket basşysynyŋ öz auzynan estıdı. «Maqalada Kaspii konvensiiasy turaly da aitylǧan. Iаǧni, bız Kaspii teŋızınıŋ Kaspii jaǧalauynda ornalasqan memleketter arasynda bölınuıne qatysty ūzaqqa sozylǧan dauly mäselenı şeştık. Öz müddemızdı qorǧau tūrǧysynan alyp qaraǧanda būl bızdıŋ memleketımızdıŋ ülken jeŋısı deuge bolady», - deidı ol. Sondai-aq, ol Qasym-Jomart Toqaev maqalada kötergen ekologiia taqyrybyna da toqtalyp öttı. «Öz jerımızge özımız ziian keltırıp jatqanymyzdy moiyndauymyz kerek. Prezident Köbeitūz kölı, Kökjailau şatqalyna qatysty ekologiialyq mäselelerdı aityp öttı. Zaŋger retınde aitarym, Jer Anany qūrmetteu, ekologiiaǧa janaşyrlyqpen qarau siiaqty keibır närselerdı zaŋmen qadaǧalau qiyn. Būl mäselege qatysty sūraqtar mūndai äreketter üşın zaŋ aiasynda qalai jauap beruge emes, adamdardyŋ tärbiesıne, öskeleŋ ūrpaqtyŋ tärbiesıne bailanysty tuyndaidy. Bala kezden bastap tabiǧatty aialaudy üiretu kerek. Maqalada osyǧan qatysty öte oryndy oi aitylǧan, ol oi halyq tarapynan qoldau tabady», - deidı Serık Berqamalov.