Prezıdent maqalasynda Qazaqstannyń ósý jáne qalyptasý kezeńi túgel qamtylǵan – Serik Berqamalov

1609
Adyrna.kz Telegram

«Qazaqstan zańgerler odaǵy» RQB Nur-Sultan qalalyq fılıalynyń tóraǵasy Serik Berqamalov QR Prezıdenti Qasym-Jomart Toqaevtyń «Egemen Qazaqstan» gazetinde jarııalanǵan «Táýelsizdik bárinen qymbat» atty maqalasyna qatysty osyndaı pikir bildirdi, dep habarlaıdy QazAqparat tilshisi.

«Memleket basshysynyń maqalasy Qazaqstannyń ósý jáne qalyptasý kezeńderin túgel qamtylǵan. Maǵan, ásirese, maqaladaǵy Táýelsizdik - eń úlken qundylyq ekendigi týraly oılar unady. Táýelsizdigimiz 1991 nemese 1986 jyly qalyptasqan joq, bizdiń Táýelsizdigimizdiń tarıhı tamyry tereńde. Memlekettiń tarıhı sabaqtastyǵyn túsindirý boıynsha memlekettik joǵary deńgeıde naqty baǵyt berilýi – óte sırek kezdesetin jaǵdaı», - deıdi «Qazaqstan zańgerler odaǵy» RQB elorda fılıalynyń tóraǵasy Serik Berqamalov.

Onyń aıtýynsha, búkil álem aýmaqtyq tutastyǵymyzdyń halyqaralyq sharttarmen bekitilgenin Memleket basshysynyń óz aýzynan estidi.

«Maqalada Kaspıı konvenııasy týraly da aıtylǵan. Iaǵnı, biz Kaspıı teńiziniń Kaspıı jaǵalaýynda ornalasqan memleketter arasynda bólinýine qatysty uzaqqa sozylǵan daýly máseleni sheshtik. Óz múddemizdi qorǵaý turǵysynan alyp qaraǵanda bul bizdiń memleketimizdiń úlken jeńisi deýge bolady», - deıdi ol.

Sondaı-aq, ol Qasym-Jomart Toqaev maqalada kótergen ekologııa taqyrybyna da toqtalyp ótti.

«Óz jerimizge ózimiz zııan keltirip jatqanymyzdy moıyndaýymyz kerek. Prezıdent Kóbeıtuz kóli, Kókjaılaý shatqalyna qatysty ekologııalyq máselelerdi aıtyp ótti. Zańger retinde aıtarym, Jer Anany qurmetteý, ekologııaǵa janashyrlyqpen qaraý sııaqty keıbir nárselerdi zańmen qadaǵalaý qıyn. Bul máselege qatysty suraqtar mundaı áreketter úshin zań aıasynda qalaı jaýap berýge emes, adamdardyń tárbıesine, óskeleń urpaqtyń tárbıesine baılanysty týyndaıdy. Bala kezden bastap tabıǵatty aıalaýdy úıretý kerek. Maqalada osyǵan qatysty óte oryndy oı aıtylǵan, ol oı halyq tarapynan qoldaý tabady», - deıdi Serik Berqamalov.

Pikirler