اقش-تىڭ اۋىلشارۋاشىلىعى باسقا ەلدەرگە قاراعاندا مۇلدەم وزگە فورماتقا اۋىسقان. دەرجاۆانىڭ اۋىلشارۋاشىلىق سەكتورى دا نارىقتىق كاپيتاليستتىك جۇيەگە وتكەن. اقش اۋىلشارۋاشىلىعى ونىمدەرىمەن تەك ءوزىن عانا قامتاماسىز ەتپەيدى، ءتىپتى پلانەتانىڭ 15 پايىزىن اۋىلشارۋاشىلىق ونىمدەرىمەن قامتاماسىز ەتۋگە الەۋەتى اسىپ جىعىلاتىن ەل. اقش الەم ەلدەرىنە بيداي مەن جۇگەرىدەن باسقا دا قانشاما اۋىلشارۋاشىلىق داقىلدارىن ەكسپورتتايدى.
اۋىلشارۋاشىلىعى ءوندىرىسىنىڭ بارلىق سالاسى تەحنيكالىق-وندىرىستىك بازالارمەن جابدىقتالۋىمەن قاتار، كليماتتىق جاعدايلارعا دا ساي تارتىپپەن جۇمىس جاسايدى. اقش-تىڭ شىعىس وڭىرلەرى جازىقتىق بولسا، باتىس وڭىرلەرى تاۋلى، ءشولدى، سۋبتروپيكتىك ايماقتارعا جاتادى. 48 شتاتتىڭ اۋىلشارۋاشىلىعى جەرلەرىنىڭ 80 پايىزىنا دەيىن ەكسپلۋاتاتسياعا بەرىلەدى ەكەن. بۇل دەگەنىڭ اقش تىڭ تريلليونداردى قۇرايتىن بيۋدجەتىنىڭ ءبىر بولىگىن الىپ جاتىر دەگەن ءسوز.
مۇنى سالىستىرمالى تۇردە ايتىپ وتىرمىن. سالىستىرمالى تۇردە ايتقاندا، اقش پەن قازاقستاندى سالىستىرۋعا بولماس. ونىڭ 330 ميلليونداي حالقى بار، وركەنيەتى دامىعان كوشباسشى ەل. ال، ءبىزدىڭ قازاقستاننىڭ ۇلان-عايىر جەرىنىڭ اقش سياقتى 80 پايىز اۋىلشارۋاشىلىق جەرلەرىن پايدالانىپ، ورتا جانە شاعىن كاسىپكەرلىككە بەرۋ كەرەك. استىق ءوندىرىسى مەن مال شارۋاشىلىعى بويىنشا جاڭا مودەلدەگى رەفورمالار ءبىزدى الدىمىزدا كۇتىپ تۇر. ەگەر ءبىز ەل بولامىز دەسەك.
نيەتىمىز جاقسى بولسا. قاي دامىعان نەمەسە دامۋشى ەلدىڭ اۋىلشارۋاشىلىق سالاسىن اشىپ قاراساڭىز دا، بارىندە ورتا جانە شاعىن كاسىپ مەملەكەتتىڭ 80 پايىز تابىسىن قۇراپ وتىر. ۇلتتىق بۋرجۋازيا دا وسىنداي تاپتاپ قالىپتاسادى. مۇنىڭ مەملەكەتتىڭ الەۋمەتتىك جاعدايىن عانا جاڭعىرتۋعا ەمەس، ۇلتتىق يدەولوگيالىق باعىتىن دا تۇزەۋگە ىقپالى وراسان. سوندىقتان ۇلتتىق ورتا تاپتىڭ الەۋمەتتىك الەۋەتىن وڭالدىرماي، بىزدە ۇلتتىق بۋرجۋازيا دا قالىپتاسپايدى. جاعدايعا رەالي كوزبەن، پراگماتيكالىق ۇستانىممەن بارۋىمىز كەرەك.
بىزدەگى اۋىلشارۋاشىلىق سەكتوردىڭ 95 پايىزى دەسەم قاتەلەسپەيمىن، اكىمشىلىك ورگاندارمەن اۋىز جالاسقان ولاردىڭ تۋىستارى، تانىستارى، باسقاسى بولىپ، توپ توپ بولىپ ەنشىلەپ العان. مۇنداي ساياسات جاقسىلىققا اپارمايدى. اۋىلدى جەگىدەي جەپ وتىرعان وسى توپتى مەملەكەتتىڭ كۇشىمەن عانا اۋىزدىقتاپ تاستاۋعا بولادى. سوندىقتان دا اۋىلشارۋاشىلىق سالاسىنا يدەولوگيالىق ءارى ەكونوميكالىق رەفورما كەرەك. اۋىل پارتياسىنىڭ شاماسى جەتكەن دەڭگەيىندە وسى رەفورمانى قاراستىرىپ، مىنبەردە كوتەرۋىن، ازاماتتىق اليانسپەن جاقىن جۇمىس جاساۋىن سۇرايمىز. بۇل پارتيانىڭ مىندەتى. ەرتەڭ سايلاۋشىلار بولىپ تالاپ ەتۋگە قۇقىلىمىز. ازاماتتاردى دا وسى رەفورمانى جۇزەگە اسىرۋعا، بەلسەنە اتسالىسۋعا شاقىرامىن.
سۋرەتتە اقش فەرمەرلەرىنىڭ اۋىلشارۋاشىلىعى سەكتورىنا يننوۆاتسيالىق-تەحنولوگيالىق جابدىقاردى قولدانۋداعى كورىنىسى. ءبىز دە تابانداپ وسى دەڭگەيگە كوشۋىمىز كەرەك. دامىعان كاپيتاليستتىك ەل ءارى الەمدىك نارىقتىڭ قوجايىندارى دەپ وسىلاردى ايتادى. قانداي ادەمى كورىنىس!
