رەسەيلىك دارىگەرلەر كوروناۆيرۋس پاندەمياسىنىڭ اياقتالۋ جاعدايلارىن اتادى جانە ونىڭ حح عاسىردىڭ باسىندا ەۋروپادا بولعان يسپان تۇماۋى ەپيدەمياسى سياقتى كۇتپەگەن جەردەن اياقتالۋى مۇمكىن ەكەنىن ايتتى. بۇل تۋرالى Newsroom+اقپارات اگەنتتىگى ۆاك-قا سىلتەمە جاساپ حابارلايدى.
يسپان تۇماۋى ءۇش تولقىنمەن دامىپ، ەكىنشى تولقىنى وتە اۋىر ءوتتى. ەپيدەميولوگتاردىڭ ايتۋىنشا، كوروناۆيرۋستى جويۋدىڭ ەڭ وڭتايلى مەزگىلى – جاز ايلارى. قازىرگى پاندەميامەن كۇرەستىڭ شەشۋشى فاكتورى ۆاكتسينا ازىرلەۋ جىلدامدىعى ەكەن. ىندەتكە قارسى ۆاكتسينا دەر كەزىندە ازىرلەنبەسە، ادامزات SARS-CoV-2-مەن بىرگە «ماڭگى قالۋ» قاۋپى تۋادى.
«توپتىق يممۋنيتەت جۋىق ارادا قالىپتاسپايدى. ساراپشىلاردىڭ پىكىرىنشە، 2021 جىلى ءولىم-ءجىتىم كورسەتكىشى 2020 جىلدان كەم تۇسپەيدى دەپ بولجانۋدا. مۇنى تەك ەكپە ەگۋ ارقىلى عانا توقتاتۋعا بولادى»،- دەدى رف قوعامدىق دەنساۋلىق ساقتاۋ جانە دەموگرافيا ماسەلەلەرى بويىنشا كەڭەسىنىڭ توراعاسى داريا حالتۋرينا.
دۇنيەجۇزىلىك دەنساۋلىق ساقتاۋ ۇيىمىنىڭ سوڭعى دەرەكتەرى بويىنشا الەمدە كوروناۆيرۋستىڭ 82 ميلليونعا جۋىق جاعدايى تىركەلگەن، پاندەميا 1,8 ميلليوننان استام ادامنىڭ ءومىرىن قيدى.
