Reseılik dárigerler koronavırýs pandemııasynyń aıaqtalý jaǵdaılaryn atady jáne onyń HH ǵasyrdyń basynda Eýropada bolǵan ıspan tumaýy epıdemııasy sııaqty kútpegen jerden aıaqtalýy múmkin ekenin aıtty. Bul týraly Newsroom+aqparat agenttigi VAK-qa silteme jasap habarlaıdy.
Ispan tumaýy úsh tolqynmen damyp, ekinshi tolqyny óte aýyr ótti. Epıdemıologtardyń aıtýynsha, koronavırýsty joıýdyń eń ońtaıly mezgili – jaz aılary. Qazirgi pandemııamen kúrestiń sheshýshi faktory vakına ázirleý jyldamdyǵy eken. Indetke qarsy vakına der kezinde ázirlenbese, adamzat SARS-CoV-2-men birge «máńgi qalý» qaýpi týady.
«Toptyq ımmýnıtet jýyq arada qalyptaspaıdy. Sarapshylardyń pikirinshe, 2021 jyly ólim-jitim kórsetkishi 2020 jyldan kem túspeıdi dep boljanýda. Muny tek ekpe egý arqyly ǵana toqtatýǵa bolady»,- dedi RF Qoǵamdyq densaýlyq saqtaý jáne demografııa máseleleri boıynsha keńesiniń tóraǵasy Darıa Haltýrına.
Dúnıejúzilik densaýlyq saqtaý uıymynyń sońǵy derekteri boıynsha álemde koronavırýstyń 82 mıllıonǵa jýyq jaǵdaıy tirkelgen, pandemııa 1,8 mıllıonnan astam adamnyń ómirin qıdy.
