قازاقستاندا قۇجات الۋ ءۇشىن مەملەكەتتىك باج تولەۋ كەرەك، ال مەملەكەتتىك باج جىل سايىن وزگەرەتىن ايلىق ەسەپتىك كورسەتكىش مولشەرىنە (اەك) بايلانىستى، – دەپ جازادى "ادىرنا" ۇلتتىق پورتالى Sputnik.kz سايتىنا سىلتەمە جاساپ.
2021 جىلى ايلىق ەسەپتىك كورسەتكىش 2 917 تەڭگەگە دەيىن ءوستى.
پاسپورت پەن جەكە كۋالىك الۋ قانشا تۇرادى؟
پاسپورت الۋعا مەملەكەتتىك باج سالىعى – 8 اەك نەمەسە 23 336 تەڭگە.
جەكە كۋالىك – 0,2 اەك نەمەسە 583,4 تەڭگە.
ادەتتە قۇجاتتاردى الۋ مەرزىمى – 15 كۇن. بىراق قوسىمشا اقى تولەپ، قۇجاتتاردى جەدەل الۋعا بولادى.
تۋ تۋرالى كۋالىك
قازاقستاندا تۋ تۋرالى كۋالىك بالانى تىركەۋ كەزىندە تەگىن بەرىلەدى.
اكت جازباسىن وزگەرتۋ، تولىقتىرۋ، تۇزەتۋ جانە قالپىنا كەلتىرۋ – 0,5 اەك نەمەسە 1 458,5 تەڭگە.
ەGov مالىمەتىنە سايكەس، بالانىڭ تۋعانىن تىركەۋ قىزمەتىن ۇسىنۋ مەرزىمى – ەكى جۇمىس كۇنى، قابىلداۋ كۇنى مەملەكەتتىك قىزمەت كورسەتۋ مەرزىمىنە كىرمەيدى.
وزگەرىستەر، تولىقتىرۋلار مەن تۇزەتۋلەر ەنگىزۋ – جەتى جۇمىس كۇنى.
قاجەت بولعان جاعدايدا باسقا مەملەكەتتىك ورگاندارعا سۇراۋ سالۋ – 30 كۇنتىزبەلىك كۇننەن اسپايدى.
جۇرگىزۋشى كۋالىگىن الۋ قانشا تۇرادى
جۇرگىزۋشى كۋالىگىن الۋ ءۇشىن مەملەكەتتىك باج سالىعى – 1,25 اەك نەمەسە 3 646 تەڭگە.
نەكە قيۋ جانە اجىراسۋ
نەكە قيۋ قۇنى – 1 اەك نەمەسە 2 917 تەڭگە.
اجىراسۋعا ءوتىنىش بەرۋ – 2 اەك نەمەسە 5 834 تەڭگە.
