Qazaqstanda qujat alý úshin memlekettik baj tóleý kerek, al memlekettik baj jyl saıyn ózgeretin aılyq eseptik kórsetkish mólsherine (AEK) baılanysty, – dep jazady "Adyrna" ulttyq portaly Sputnik.kz saıtyna silteme jasap.
2021 jyly aılyq eseptik kórsetkish 2 917 teńgege deıin ósti.
Pasport pen jeke kýálik alý qansha turady?
Pasport alýǵa memlekettik baj salyǵy – 8 AEK nemese 23 336 teńge.
Jeke kýálik – 0,2 AEK nemese 583,4 teńge.
Ádette qujattardy alý merzimi – 15 kún. Biraq qosymsha aqy tólep, qujattardy jedel alýǵa bolady.
Týý týraly kýálik
Qazaqstanda týý týraly kýálik balany tirkeý kezinde tegin beriledi.
Akt jazbasyn ózgertý, tolyqtyrý, túzetý jáne qalpyna keltirý – 0,5 AEK nemese 1 458,5 teńge.
eGov málimetine sáıkes, balanyń týǵanyn tirkeý qyzmetin usyný merzimi – eki jumys kúni, qabyldaý kúni memlekettik qyzmet kórsetý merzimine kirmeıdi.
Ózgerister, tolyqtyrýlar men túzetýler engizý – jeti jumys kúni.
Qajet bolǵan jaǵdaıda basqa memlekettik organdarǵa suraý salý – 30 kúntizbelik kúnnen aspaıdy.
Júrgizýshi kýáligin alý qansha turady
Júrgizýshi kýáligin alý úshin memlekettik baj salyǵy – 1,25 AEK nemese 3 646 teńge.
Neke qııý jáne ajyrasý
Neke qııý quny – 1 AEK nemese 2 917 teńge.
Ajyrasýǵa ótinish berý – 2 AEK nemese 5 834 teńge.
