سيۋنيك وبلىسىنىڭ شۋرنۋح شەكارالاس ارميان اۋىلىنىڭ باسشىسى اكوپ ارشاكيان سەنبىدە ەلدى مەكەنگە ءازىربايجان اسكەرى كىرگەنىن ايتتى. بۇل تۋرالى «ادىرنا» ۇلتتىق پورتالى Sputnik ارمەنيا-عا سىلتەمە جاساي وتىرىپ حابارلايدى.
بۇل جەرگە ارميان شەكاراشىلارى، ءازىربايجان اسكەرلەرى جانە رەسەي شەكاراشىلارى كەلدى. بەكەتتەر تىكەلەي اۋىل اۋماعىندا ورناتىلادى.
ء"بارى اياقتالدى. ازەربايجاندار، ورىستار، ءبىزدىڭ شەكاراشىلار كەلدى. 5 قاڭتارعا دەيىن ولار سوڭعى مەرزىم بەردى، ولار اۋىلدىڭ ورتاسىنا بەكەتتەر قويادى", - دەپ مالىمدەدى اكوپ ارشاكيان Facebukتە جاريالاعان مالىمدەمەسىندە.
ول ءازىربايجان اسكەرلەرى مەن وقيعا ورنىنا كەلگەن رەسەيلىك شەكاراشىلار كسرو قارۋلى كۇشتەرى باس شتابىنىڭ 1942 جىلعى كارتاسىنا سۇيەنەتىندەرىن اتاپ ءوتتى.
"بۇل كارتا بىزدە دە بار، وندا شەكارا اۋىل اۋماعى ارقىلى ەمەس، اۋىل استىنان وتەدى. بىراق بۇل تۋرالى ولارعا ەشكىم ايتا المايدى... ولارعا اۋىلدىق كىتاپحانا عيماراتى دا ءوتىپ كەتەتىن سەكىلدى", - دەيدى ارشاكيان.
جەلتوقسان ايىنىڭ سوڭىندا ءازىربايجان اسكەرلەرىنىڭ وكىلدەرى ولارعا ءبىر كۇن ىشىندە شۋرنۋح اۋىلىنىڭ ءبىر بولىگىن بەرۋدى تالاپ ەتتى. ارميان بيلىگىنىڭ ارەكەتسىزدىگىنە نارازىلىق ءبىلدىرىپ، جەرگىلىكتى تۇرعىندار گوريستەن كاپانعا دەيىنگى جولدى بىرنەشە ساعاتقا جاۋىپ تاستاعان بولاتىن.
ەستەرىڭىزگە سالا كەتەيىك، ارمەنيانىڭ سيۋنيك وبلىسىنداعى جاعداي سوعىس ناتيجەسىندە قاراباقتىڭ كەيبىر اۋداندارى ءازىربايجاننىڭ باقىلاۋىنا كەتكەننەن كەيىن شيەلەنىسە ءتۇستى. وسىدان كەيىن ازىربايجانمەن شەكارانى دەماركاتسيالاۋ پروتسەسى باستالدى، بۇل شەكارالاس ەلدى مەكەندەر تۇرعىندارىنىڭ نارازىلىعىن تۋدىرعان بولاتىن. سيۋنيكتە نارازىلىق اكتسيالارى باستالدى، ازاماتتار شەكارا ماسەلەسىن شەشۋدى جانە ولاردى قۇقىعىنان، ۇيلەرىنەن جانە قاۋىپسىزدىگىنەن ايىراتىن زاڭسىز دەماركاتسيانى تالاپ ەتىپ، جولداردى جاۋىپ تاستادى. جاعداي اسىرەسە كاپان-گوريس جولىنىڭ ۋچاسكەسىنە، سونداي-اق بىرنەشە اۋىلعا، سونىڭ ىشىندە دەۆيد بەك پەن شۋرنۋحقا بايلانىستى شيەلەنىسە ءتۇستى.
18 جەلتوقساندا ارمەنيا پرەمەر-ءمينيسترى نيكول پاشينيان حالىققا بەينەۇندەۋ بارىسىندا سيۋنيكەدەگى جاعدايعا تۇسىنىك بەرە وتىرىپ، رەسپۋبليكا حالىقارالىق دەڭگەيدە مويىندالعان شەكارالارعا ورالاتىنىن اتاپ ءوتتى. ۇكىمەت باسشىسىنىڭ ايتۋىنشا، مۇنىڭ ءبارى سيۋنيكتە قاۋىپسىزدىكتى قامتاماسىز ەتۋ ءۇشىن جاسالۋدا.
فوتو اشىقدەرەككوزدەن الىندى
