قازاقستاندا قولدانىستاعى نورماتيۆتىك قۇقىقتىق اكتىلەر مەن باستاماشىلىق جوبالاردى تالقىلايتىن پلاتفورما ىسكە قوسىلدى، دەپ حابارلايدى «ادىرنا» ءتىلشىسى.
«باسقا قوعامدىق-ساياسي پلاتفورمالاردا عىلىمي كوزقاراس جوق. پلاتفورمانى قۇرۋشىلار ۇلكەن جۇمىس اتقاردى. تاجىريبەنى زەرتتەۋ ءۇشىن ارىپتەسىم ەكەۋىمىز ەرەۆانعا باردىق. ارمەنيادا قوعام زاڭعا قاتتى قىزىعۋشىلىق تانىتادى، شامامەن 30-40 مىڭ ادام وسىنداي الاڭداردا زاڭدى تالقىلاۋعا بەلسەندى قاتىسادى»، - دەدى «ADAL BILIM» تىكەلەي ەفيرىندە ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ ديرەكتورى مارات ءباشىموۆ «ADAL BILIM» تىكەلەي ەفيرىندە.
م.س. نارىكباەۆ اتىنداعى كازگيۋ ۋنيۆەرسيتەتى پروۆوستى سەرگەي پەننىڭ ايتۋىنشا، www.kodeks.kz پلاتفورماسى عىلىمي پىكىرسايىستى ۇيىمداستىرۋ ءۇشىن قۇرىلدى.
«بيىل ءبىز ازاماتتىق زاڭنامانى تۇجىرىمداما تۇرىندە جەتىلدىرۋ بويىنشا عىلىمي جوبانى قولعا الدىق. ماقساتى – قالىپتاسقان ينستيتۋتتار مەن پوستۋلاتتارعا قاراماستان حالىقارالىق تاجىريبەگە سۇيەنە وتىرا اشىقتىقتى، ادىلەتتىلىكتى قالىپتاستىرۋ. ءبىز تەك پىكىرتالاس الاڭىن عانا ەمەس، سونىمەن قاتار تاريحتى، اقپارات كوزىن ساقتاۋعا مۇمكىندىك بەرەتىن پلاتفورما قۇردىق. پلاتفورما حالىققا قانداي دا ءبىر ۇسىنىسقا قاتىستى پىكىرتالاستىڭ كەزەڭدەرىن تۇسىنۋگە، ناتيجەلەر مەن قولدانىلعان ارگۋمەنتتەردى قورىتىندىلاۋعا مۇمكىندىك بەرەدى. وسى ۋاقىتقا دەيىن بىردە ءبىر فورمات ءتيىستى تالاپتارعا ساي كەلمەگەن. نەگە؟ سەبەبى اشىق نورماتيۆتىك قۇقىقتىق اكتىلەر پورتالىندا تەك ءتىزىمى مەن پىكىرلەر عانا بار. ال اكادەميالىق قاۋىمداستىق وكىلدەرى ءۇشىن ول جەتكىلىكسىز. ولارعا زاڭ جوباسىن قولدايتىن نەمەسە وعان قارسى بوس پىكىرلەر كەرەك ەمەس، پىكىرتالاستىڭ كەزەڭدەرى، پروتسەستىڭ دامۋى تۋرالى اقپارات قاجەت»، - دەدى سەرگەي پەن.
جوباعا زاڭعا بەي-جاي قارامايتىن كەز كەلگەن ادام مەن زاڭ قوعامداستىعىنىڭ قىزىعۋشىلىق تانىتقان وكىلدەرى قاتىسا الادى. پلاتفورمانى جەكە دە، ۇجىمدىق تۇردە دە قولدانۋعا بولادى. بۇل ءار ءتۇرلى يۋريسديكتسيالارداعى قۇقىقتىق نورمالاردىڭ ماتىندەرىن، سونداي-اق ولاردىڭ اكادەميالىق سيپاتتامالارىن تىكەلەي سالىستىرۋدىڭ فۋنكتسيونالدىعىن پايدالانۋعا مۇمكىندىك بەرەدى. سونىمەن قاتار پلاتفورمادا بارلىق اقپارات قازاق جانە ورىس تىلدەرىندە ورنالاستىرىلعان.
«ادىرنا» ۇلتتىق پورتالى
