بۇگىن اقتوبە وبلىسىنىڭ اكىمى وڭداسىن ورازالين جۇمىس ساپارىمەن ىرعىز اۋدانىندا بولدى. ايماق باسشىسى جانىس بي اۋىلىنداعى تابيعي گاز قۇبىرىنىڭ ىسكە قوسىلۋ راسىمىنە قاتىستى. كوگىلدىر وتىننىڭ تۇتىنۋشىلارعا جەتكەندىگىن قاراۋ ماقساتىندا اۋىل تۇرعىنى جۇبان ابەنوۆتىڭ شاڭىراعىندا بولدى. بۇعان دەيىن كومىر جاعىپ، كۇل شىعارىپ كەلگەن جەرگىلىكتى تۇرعىندار ءار قىس مەزگىلىندە 10 تونناعا دەيىن كومىر پايدالانۋعا ءماجبۇر بولاتىن. ال كومىردىڭ قۇنى ءاربىر تونناسىنا 20 مىڭ تگ قۇرادى. تابيعي وتىنعا قول جەتكىزىپ، قۋانىشقا كەنەلگەن جەرگىلىكتى حالىق وبلىس اكىمىنە العىستارىن ءبىلدىردى. اۋدان تۇرعىندارىنىڭ 40,8% گازبەن قامتاماسىز ەتىلگەن.
وبلىستىق بيۋدجەتتەن 188 ملن.تەڭگە ءبولىنىپ، اقشي، قۇرىلىس، شەڭبەرتال اۋىلدارىنا جەتكىزۋشى گاز قۇبىرلارىنىڭ قۇرىلىسى اياقتالدى.وبلىس بويىنشا 2021 جىلى جالپى قۇنى 1,8 ملرد. تەڭگەگە گازبەن جابدىقتاۋ جوبالارى ىسكە اسىرىلىپ، 6,4 مىڭ حالقى بار 10 ەلدى مەكەن گازبەن قامتۋ كوزدەلگەن. 2021 جىلدىڭ سوڭىنا دەيىن گازبەن جابدىقتاۋ كورسەتكىشىن 92,1% - عا جەتكىزۋ جوسپاردا.
وڭداسىن ورازالين بۇدان سوڭ ىرعىز اۋىلىنا ات باسىن بۇردى. مۇندا وبلىس اكىمى 3 بولمەلى 5 باسپانانىڭ كىلتىن ءۇي كەزەگىندەگى كوپ بالالى، زەينەتكەر، الەۋمەتتىك ءار ءتۇرلى توپتاعى ازاماتتارعا تابىستادى.
“سىرتتان كەلىپ ءبىزدىڭ جاعدايىمىزدى ەشكىم تۇزەمەيدى. حالىقتىڭ جەتكەن جەتىستىگى مەن كورىپ وتىرعان يگى ىستەرىنىڭ بارلىعى ەڭبەك پەن سابىرلىقتىڭ،اۋىزبىرشىلىكتىڭ، مەملەكەت باسشىسىنىڭ كورەگەندى ساياساتىنىڭ ارقاسىندا جۇزەگە اسىرىلىپ جاتقان دۇنيەلەر،”-دەپ اتاپ ءوتتى ءوڭىر باسشىسى. ءۇي قۇرىلىسى بيىل مامىر ايىندا باستالىپ، تامىز ايىندا اياقتالدى. گاز، ىستىق سۋ كىرگىزىلگەن. قۇنى 51,5 ملن تگ بوي كوتەرگەن ءۇيدى سالۋعا جەرگىلىكتى 10 عا جۋىق ازامات جۇمىسقا تارتىلدى. ايماق باسشىسى قۇتيكول اۋىلىنان جارما اۋىلى باعىتىنا شىعاتىن اياقتالعان كوپىردىڭ قۇرىلىس ساپاسىن باقىلادى. ۇزىندىعى 54 مەتردى قۇرايتىن وتپەلدى سالۋعا 187,9 ملن. تگ جۇمسالدى.
توزىعى جەتكەن كوپىردىڭ ورنىنا 2020 جىلدىڭ مامىر ايىندا جاڭاسىن سالۋ جۇمىستارى باستالعان بولاتىن. وبلىس اكىمى جارما اۋىلىندا بولىپ، سۋ قۇبىرىن ىسكە قوستى. “جۇمىسپەن قامتۋدىڭ جول كارتاسى” مەمباعدارلاما ارقىلى جۇزەگە اسىرىلعان جوبانىڭ ارقاسىندا 56 ءۇي ياعني 300 دەن استام تۇرعىن تازا اۋىز سۋعا قول جەتكىزدى. بۇعان دەيىن جارمالىقتار اۋىزسۋدى قۇدىقتان تاسىپ ءىشىپ كەلگەن بولاتىن. ايتىپ وتەيىك، اۋدان بويىنشا تۇرعىنداردىڭ 87,6% تازا اۋىز سۋمەن قامتىلعان. ىرعىز اۋىلىنىڭ سۋ جەلىلەرىن رەكونسترۋكتسيالاۋ جۇمىستارى ارى قاراي دا جالعاسۋدا. ەندى قالعان 5 ەلدىمەكەندى اۋىز سۋمەن قامتۋ ءۇشىن جۇمىستار جۇرگىزىلىپ جاتىر.
بيىل ىرعىز اۋدانىندا “جۇمىسپەن قامتۋدىڭ جول كارتاسى 2020” باعدارلاماسى اياسىندا جالپى جەتى جوبا جۇزەگە استى. قۇتيكول اۋىلىنداعى «جارما» كوپىرىن قايتا جاراقتاندىرىلىپ، ىرعىز اۋىلىندا جەكە تۇرعىن ءۇي قۇرىلىسىنا ينجەنەرلىك-كوممۋنيكاتسيالىق سۋمەن، ەلەكترمەن، گازبەن جابدىقتاۋ جەلىلەرى تارتىلدى. جارما اۋىلىنا سۋ قۇبىرى جەلىلەرىنىڭ قۇرىلىسىن سالۋ جۇمىستارى باستالىپ، امانكول اۋىلىنداعى ت.جامانمۇرىنوۆ،نۇرا اۋىلىنداعى ت.جۇرگەنوۆ اتىنداعى ورتا مەكتەپتەرى اعىمداعى جوندەۋدەن ءوتتى. ىرعىز اۋىلىنداعى 2,6 شاقىرىم م.قاراباەۆ، ت.جامانمۇرىنوۆ، قر تاۋەلسىزدىگىنە 20 جىل، قابىرعا جانە جۇرگەنوۆ كوشەلەرىنە تاس جول توسەلدى، جاياۋ جۇرگىنشىلەر جولى 2021 جىلى اياقتالادى.
اۋدان ورتالىعىندا ۇزىندىعى 2 كم قۇرايتىن 1 كوشەگە جاياۋ جۇرگىنشىلەرگە ارنالعان جول قۇرىلىسى جاسالدى. سونىمەن قاتار، 300 ورىندىق ورتا مەكتەپ 100 ورىندىق ينتەرنات پايدالانىلۋعا بەرىلدى.
«اۋىل ەل بەسىگى» جوباسىمەن رب 150 ملن.تگ جالپى ۇزىندىعى 2,6 شاقىرىم اۋىل ىشىلىك جامبىل، تاۋەلسىزدىكتىڭ 20 جىلدىعى كوشەلەرىن اسفالتتاۋ جۇمىستارى اياقتالدى.
وڭداسىن ورازالين اۋدان اكىمى ادىلكەرەي اۋەلباەۆقا اتالعان جوبالاردى ساپالى اياقتاپ پايدالانۋعا بەرۋدى، اۋىلشارۋاشىلىق سالاسىن ودان ءارى دامىتۋدى، اۋداندى كوگالداندىرۋ جۇمىستارىن قولعا الۋدى تاپسىردى.
