Búgin Aqtóbe oblysynyń ákimi Ońdasyn Orazalın jumys saparymen Yrǵyz aýdanynda boldy. Aımaq basshysy Janys bı aýylyndaǵy tabıǵı gaz qubyrynyń iske qosylý rásimine qatysty. Kógildir otynnyń tutynýshylarǵa jetkendigin qaraý maqsatynda aýyl turǵyny Juban Ábenovtyń shańyraǵynda boldy. Buǵan deıin kómir jaǵyp, kúl shyǵaryp kelgen jergilikti turǵyndar ár qys mezgilinde 10 tonnaǵa deıin kómir paıdalanýǵa májbúr bolatyn. Al kómirdiń quny árbir tonnasyna 20 myń tg qurady. Tabıǵı otynǵa qol jetkizip, qýanyshqa kenelgen jergilikti halyq oblys ákimine alǵystaryn bildirdi. Aýdan turǵyndarynyń 40,8% gazben qamtamasyz etilgen.
Oblystyq bıýdjetten 188 mln.teńge bólinip, Aqshı, Qurylys, Sheńbertal aýyldaryna jetkizýshi gaz qubyrlarynyń qurylysy aıaqtaldy.Oblys boıynsha 2021 jyly jalpy quny 1,8 mlrd. teńgege gazben jabdyqtaý jobalary iske asyrylyp, 6,4 myń halqy bar 10 eldi meken gazben qamtý kózdelgen. 2021 jyldyń sońyna deıin gazben jabdyqtaý kórsetkishin 92,1% - ǵa jetkizý josparda.
Ońdasyn Orazalın budan soń Yrǵyz aýylyna at basyn burdy. Munda oblys ákimi 3 bólmeli 5 baspananyń kiltin úı kezegindegi kóp balaly, zeınetker, áleýmettik ár túrli toptaǵy azamattarǵa tabystady.
“Syrttan kelip bizdiń jaǵdaıymyzdy eshkim túzemeıdi. Halyqtyń jetken jetistigi men kórip otyrǵan ıgi isteriniń barlyǵy eńbek pen sabyrlyqtyń,aýyzbirshiliktiń, memleket basshysynyń kóregendi saıasatynyń arqasynda júzege asyrylyp jatqan dúnıeler,”-dep atap ótti óńir basshysy. Úı qurylysy bıyl mamyr aıynda bastalyp, tamyz aıynda aıaqtaldy. Gaz, ystyq sý kirgizilgen. Quny 51,5 mln tg boı kótergen úıdi salýǵa jergilikti 10 ǵa jýyq azamat jumysqa tartyldy. Aımaq basshysy Qutıkól aýylynan Jarma aýyly baǵytyna shyǵatyn aıaqtalǵan kópirdiń qúrylys sapasyn baqylady. Uzyndyǵy 54 metrdi quraıtyn ótpeldi salýǵa 187,9 mln. tg jumsaldy.
Tozyǵy jetken kópirdiń ornyna 2020 jyldyń mamyr aıynda jańasyn salý jumystary bastalǵan bolatyn. Oblys ákimi Jarma aýylynda bolyp, sý qubyryn iske qosty. “Jumyspen qamtýdyń jol kartasy” membaǵdarlama arqyly júzege asyrylǵan jobanyń arqasynda 56 úı ıaǵnı 300 den astam turǵyn taza aýyz sýǵa qol jetkizdi. Buǵan deıin jarmalyqtar aýyzsýdy qudyqtan tasyp iship kelgen bolatyn. Aıtyp óteıik, aýdan boıynsha turǵyndardyń 87,6% taza aýyz sýmen qamtylǵan. Yrǵyz aýylynyń sý jelilerin rekonstrýkııalaý jumystary ary qaraı da jalǵasýda. Endi qalǵan 5 eldimekendi aýyz sýmen qamtý úshin jumystar júrgizilip jatyr.
Bıyl Yrǵyz aýdanynda “Jumyspen qamtýdyń jol kartasy 2020” baǵdarlamasy aıasynda jalpy jeti joba júzege asty. Qutıkól aýylyndaǵy «Jarma» kópirin qaıta jaraqtandyrylyp, Yrǵyz aýylynda jeke turǵyn úı qurylysyna ınjenerlik-kommýnıkaııalyq sýmen, elektrmen, gazben jabdyqtaý jelileri tartyldy. Jarma aýylyna sý qubyry jelileriniń qurylysyn salý jumystary bastalyp, Amankól aýylyndaǵy T.Jamanmurynov,Nura aýylyndaǵy T.Júrgenov atyndaǵy orta mektepteri aǵymdaǵy jóndeýden ótti. Yrǵyz aýylyndaǵy 2,6 shaqyrym M.Qarabaev, T.Jamanmurynov, QR Táýelsizdigine 20 jyl, Qabyrǵa jáne Júrgenov kóshelerine tas jol tóseldi, jaıaý júrginshiler joly 2021 jyly aıaqtalady.
Aýdan ortalyǵynda uzyndyǵy 2 km quraıtyn 1 kóshege jaıaý júrginshilerge arnalǵan jol qurylysy jasaldy. Sonymen qatar, 300 oryndyq orta mektep 100 oryndyq ınternat paıdalanylýǵa berildi.
«Aýyl el besigi» jobasymen RB 150 mln.tg jalpy uzyndyǵy 2,6 shaqyrym aýyl ishilik Jambyl, Táýelsizdiktiń 20 jyldyǵy kóshelerin asfalttaý jumystary aıaqtaldy.
Ońdasyn Orazalın aýdan ákimi Ádilkereı Áýelbaevqa atalǵan jobalardy sapaly aıaqtap paıdalanýǵa berýdi, aýylsharýashylyq salasyn odan ári damytýdy, aýdandy kógaldandyrý jumystaryn qolǵa alýdy tapsyrdy.
