ەلباسى نۇرسۇلتان نازارباەۆتىڭ قىزى ءاليا نازارباەۆا ەكودۇكەن مەن ەكوباسپاحانا اشتى. بۇل تۋرالى نازارباەۆانىڭ ءوزى Instagram-داعى پاراقشاسىندا جازدى دەپ حابارلايدى «ادىرنا» ۇلتتىق پورتالى Baq.kz سايتىنا سىلتەمە جاساپ.
ونىڭ جازۋىنشا، ەكودۇكەن مەن باسپاحانا كەڭسە تاۋارلارىن وندىرۋمەن جانە ساتۋمەن اينالىسادى.
كەڭسە تاۋرالارىن ساۋدالاۋعا ارانالعان ەكودۇكەن مەن ەكوباسپاحانا اشۋ يدەياسى كەزدەيسوق كەلگەن جوق. مەن بۇعان دەيىن 2022 جىلى ءبىزدىڭ كوماندا قازاقستاندا العاشقى ەكولوگيالىق مەكتەپتى اشادى دەپ جازعان ەدىم. سونىمەن، ءبىزدىڭ مەكتەپتە ءبىز وزىمىزدەن باستايمىز! ءبارىن! بۇل دەگەنىمىز، اسحانادا ەكولوگيالىق تازا ونىمدەر بولۋى كەرەك (سوندىقتان ءبىز جىلىجايىمىزدى اشامىز), سىنىپتاردا وڭدەلگەن شيكىزاتتان جاسالعان كەڭسە تاۋارلارى قولدانىلۋى كەرەك، ال ۇلەستىرمە ماتەريالدار مەن اۆتورلىق قۇرالدار ەكو-قاعازعا باسىپ شىعارىلادى، - دەپ جازدى نازارباەۆا.
بۇعان قوسا، ول ءوز جازباسىندا جاڭادان اشقان ەكودۇكەنىنىڭ ساۋداسى جاقسى ءجۇرىپ جاتقانىن دا اتاپ ءوتتى.
جوبامىزدى اشا سالىسىمەن-اق جاسىل بيزنەستى قولدايتىن كاسىپورىنداردان، بالالارىنا قاجەتتى جانە پايدالى عانا ەمەس، سونىمەن قاتار تاربيەلىك سىيلىقتار بەرگىسى كەلەتىن سانالى اتا-انالاردان جاڭا جىلدىق سىيلىقتارعا تاپسىرىس العانىمىز مەنى قۋانتتى. سوندىقتان ءبىز دۇرىس باعىتتا قوزعالامىز. ءبىز ءوز كەزەگىمىزدە قازاقستاننىڭ بارلىق ەكووندىرۋشىلەرىنە الاڭ بەردىك. قازىردىڭ وزىندە ءبىزدىڭ سايتتا 30-دان استام وتاندىق وندىرۋشىلەر ۇسىنىلعان، - دەدى نازارباەۆا.
ەستەرىڭىزگە سالا كەتەيىك، جاقىندا ءاليا نازارباەۆا ەكولوگيالىق مەكتەپتىڭ قۇرىلىسى باستالعانىن اتاپ وتكەن بولاتىن.
