«الماتىدا وتكەن تاۋلىكتە اتىس بولىپ، بىرنەشە ادام جاراقات الدى»، دەپ حابارلايدى Tengrinews.kz سايتىنا سىلتەمە جاساپ «ادىرنا» ۇلتتىق پورتالى.
قارۋلى قاقاتىعىس تاڭعى ۋاقىتتا ورىن العان. قۇقىق قورعاۋشىلار كۇدىكتى كولىكتى توقتاتىپ، ءتىنتۋ كەزىندە ەكى مىلتىق، جاساندى جارىلعىشتار مەن وق-دارىلەر تابىلدى. كولىكتەگى ءتورت ادامنىڭ بىرەۋى وسىعان دەيىن ەكى رەت ءىستى بولعان. ءدال سول ۋاقىتتا سۋىق قارۋدان جاراقات العان ءۇش ادام قالاداعى اۋرۋحانانىڭ بىرىنە بارىپ، مەديتسينالىق كومەككە جۇگىنىپتى. تەرگەۋ بارىسىندا ەكى وقيعانىڭ بايلانىسى بارى انىقتالدى.
«ەكى دەرەكتى سايكەستەندىرىپ، ءبىر وقيعانىڭ سەبەپ سالدارى دە انىقتادىق. انىق بولعانداي وسى ۇستالعان ەر ادامدار بىرنەشە ۋاقىت بۇرىن كافەلەردىڭ بىرىندە ۋاقىتتارىن وتكىزىپ، باسقا توپتىڭ وكىلدەرىمەن جاڭجالداسقان. بۇل ەر ادامدار دالاعا شىعىپ، ءوزىنىڭ قارسىلاستارىنا وق جاۋدىرعان»، -دەيدى الماتى قالالىق پد رەسمي وكىلى سالتانات ازىربەك.
ياعني، وق اتقاندار ءىزىن سۋىتپاق بولعان، جاراقات العاندار اۋرۋحاناعا بارعان. اتالعان وقيعاعا بايلانىستى ەكى قىلمىستىق ءىس قوزعالدى. ءبىرى سۋىق قارۋدى زاڭسىز الىپ جۇرگەنى ءۇشىن، ەكىنشىسى بۇزاقىلىق فاكتىسى بويىنشا.
