«Almatyda ótken táýlikte atys bolyp, birneshe adam jaraqat aldy», dep habarlaıdy Tengrinews.kz saıtyna silteme jasap «Adyrna» ulttyq portaly.
Qarýly qaqatyǵys tańǵy ýaqytta oryn alǵan. Quqyq qorǵaýshylar kúdikti kólikti toqtatyp, tintý kezinde eki myltyq, jasandy jarylǵyshtar men oq-dáriler tabyldy. Kóliktegi tórt adamnyń bireýi osyǵan deıin eki ret isti bolǵan. Dál sol ýaqytta sýyq qarýdan jaraqat alǵan úsh adam qaladaǵy aýrýhananyń birine baryp, medıınalyq kómekke júginipti. Tergeý barysynda eki oqıǵanyń baılanysy bary anyqtaldy.
«Eki derekti sáıkestendirip, bir oqıǵanyń sebep saldary de anyqtadyq. Anyq bolǵandaı osy ustalǵan er adamdar birneshe ýaqyt buryn kafelerdiń birinde ýaqyttaryn ótkizip, basqa toptyń ókilderimen jańjaldasqan. Bul er adamdar dalaǵa shyǵyp, óziniń qarsylastaryna oq jaýdyrǵan», -deıdi Almaty qalalyq PD resmı ókili Saltanat Ázirbek.
Iaǵnı, oq atqandar izin sýytpaq bolǵan, jaraqat alǵandar aýrýhanaǵa barǵan. Atalǵan oqıǵaǵa baılanysty eki qylmystyq is qozǵaldy. Biri sýyq qarýdy zańsyz alyp júrgeni úshin, ekinshisi buzaqylyq faktisi boıynsha.
