ينستاگرام الەۋمەتتىك جەلىسىندە ءارتىس بايان ماقساتقىزى الاگوزوۆا جۇبايى تۇرسىن الاگوزوۆكە «قۇرمەت» اتاعىن بەرگەنىن جازدى. «موي كۋرمەت» دەپ «قۇرمەت» توسبەلگىسىن تاققان تۇرسىننىڭ فوتوسىن جاريالاعانى سول ەكەن، وقىرماندارى سۇراقتىڭ استىنا الىپ، سىني پىكىردى قارشا بوراتتى.
ءبىرى «بۇل اتاقتى جاڭاجىلدىق سىيلىق سەكىلدى كىم كورىنگەنگە بەرۋدە» دەسە، ەندى ءبىر وقىرمان «بىرەۋدىڭ ايەلىن تارتىپ العانى ءۇشىن بەرىلگەن بولار» دەستى.
«قۇرمەت مەدالىن ۇستاعاننىڭ قولىنا، تىستەگەننىڭ اۋزىنا، بارماق باستى كوز قىستى تامىر تانىسقا تاراتىپ قادىرىن كەتىردى عوي تاڭ قالمايتىن بولدىق. مىناۋ قانداي ەڭبەگىمەن الىپ ءماز بولىپ وتىر» «پوگرەمۋشكامەن ويناپ وتىرسىن دەپ بەرگەن شىعار» «باياننىڭ كۇيەۋى، سول ءۇشين» «بايان "بالاسىنا" ويىنشىق ساتىپ اپەرگەن ەكەن عوي»...
ءبىر عانا فوتونىڭ استىنا جازىلعان پىكىرلەردىڭ باسىم بولىگى «نە ءۇشىن «قۇرمەت» وردەنى تۇرسىن الاگوزوۆكە بەرىلدى؟» دەگەن سۇراققا سايادى. بۇل سۇراقتارىنا ناقتى جاۋاپ الا الماعان بۇل پاراقشانىڭ وقىرماندارى ءارى قاراي ءوز بەتتەرىنشە دولبار دا جاسايدى. «بالكىم، باياننىڭ بايى بولعان سوڭ بەرگەن بولار؟»، «بەرە سالعان بولار؟»، «اقشاسى كوپ بولعان سوڭ العان شىعار؟» دەگەن سۇراقتاردىڭ بىرىنە «تيك توك كىم جاقسى تۇسىرسە سولار الادى اۋ؟» دەپ جازىپتى ءبىر وقىرمان. پاندەميا كەزىندە تانىمال ادامدار كورەرمەنى مەن وقىرمانىنا ءتۇرلى دۇنيەلەر سىيلاعانى ەستە. ءبىرى ءان ايتىپ، الەۋمەتتىك جەلىنى «جارسا»، ەندى ءبىرى بي بيلەپ جۇرتتىڭ كوڭىلىن كوتەرگەن-ءدى. وسى كارانتين كەزىندە بايان مەن كۇيەۋى دە الەۋمەتتىك جەلىنىڭ جۇلدىزىنا اينالعانى ەستە. ءتۇرلى ۆيدەولارىن سالىپ، كوپتىڭ تالقىسىنا ۇشىراعان قوس عاشىق بۇگىنگە دەيىن ۆيدەولاردى بۇرقىراتىپ جاريالاۋدا. چەللەندجدەردى وزدەرى قايتالاپ، سەلكىلدەپ بيلەگەن بايان-تۇرسىن ۆيدەولارى ەڭ كوپ قارالىمعا يە ەكەنى دە شىندىق. «تيكتوك»-تىڭ جۇلدىزىنا دا بۇل جۇپتى كارانتين كەزەڭى اينالدىرعان ەدى.
راسىمەن، تۇرسىندى بىلايعى جۇرت تەك باياننىڭ كۇيەۋى رەتىندە عانا تانيدى. ونىڭ ءىرى كاسىپكەر ەكەنىن، «ماكسي شاي» يمپەرياسىنىڭ باسشىسى ەكەنىن ەكىنىڭ ءبىرى بىلە بەرمەيدى. وكىنىشكە قاراي، جۇرەگىنىڭ ءامىرىن تىڭدايمىن دەپ، ياعني بايانعا ۇيلەنگەن سوڭ، تۇرسىننىڭ بيزنەسىنىڭ ىرگەتاسى شاتقاياقتاپ، اقىرىندا «ماكسي شايداعى» توراعالىق ورنىن بوساتقانى ءمالىم. ءدال قازىرگى كەزدە بۇرىنعى كاسىپكەردىڭ نەمەن اينالىسىپ جۇرگەنى بەلگىسىز. قالاي بولعاندا دا، مەملەكەت تاراپىنان تۇرسىن الاگوزوۆتى «قۇرمەت» وردەنىمەن ماراپاتتاپ جاتسا، دەمەك وسىعان لايىق بولعانى دا. ءبىر وردەن ءۇشىن سونشا پىكىر ايتىپ، سىناپ، مىنەپ جاتقانىمىز ازاماتتىعىمىزعا دا سىن ەمەس پە، قالاي ويلايسىز؟
«ادىرنا» ۇلتتىق پورتالى.
فوتو ينستاگرام پاراقشاسىنان الىندى.
