Instagram áleýmettik jelisinde ártis Baıan Maqsatqyzy Alagózova jubaıy Tursyn Alagózovke «Qurmet» ataǵyn bergenin jazdy. «Moı kýrmet» dep «Qurmet» tósbelgisin taqqan Tursynnyń fotosyn jarııalaǵany sol eken, oqyrmandary suraqtyń astyna alyp, synı pikirdi qarsha boratty.
Biri «Bul ataqty jańajyldyq syılyq sekildi kim kóringenge berýde» dese, endi bir oqyrman «bireýdiń áıelin tartyp alǵany úshin berilgen bolar» desti.
«Qurmet medalin ustaǵannyń qolyna, tistegenniń aýzyna, barmaq basty kóz qysty tamyr tanysqa taratyp qadirin ketirdi ǵoı tań qalmaıtyn boldyq. Mynaý qandaı eńbegimen alyp máz bolyp otyr» «Pogremýshkamen oınap otyrsyn dep bergen shyǵar» «Baıannyń kúıeýi, sol úshın» «Baıan "balasyna" oıynshyq satyp ápergen eken ǵoı»...
Bir ǵana fotonyń astyna jazylǵan pikirlerdiń basym bóligi «ne úshin «Qurmet» ordeni Tursyn Alagózovke berildi?» degen suraqqa saıady. Bul suraqtaryna naqty jaýap ala almaǵan bul paraqshanyń oqyrmandary ári qaraı óz betterinshe dolbar da jasaıdy. «Bálkim, Baıannyń baıy bolǵan soń bergen bolar?», «Bere salǵan bolar?», «Aqshasy kóp bolǵan soń alǵan shyǵar?» degen suraqtardyń birine «tık tok kim jaqsy túsirse solar alady aý?» dep jazypty bir oqyrman. Pandemııa kezinde tanymal adamdar kórermeni men oqyrmanyna túrli dúnıeler syılaǵany este. Biri án aıtyp, áleýmettik jelini «jarsa», endi biri bı bılep jurttyń kóńilin kótergen-di. Osy karantın kezinde Baıan men kúıeýi de áleýmettik jeliniń juldyzyna aınalǵany este. Túrli vıdeolaryn salyp, kóptiń talqysyna ushyraǵan qos ǵashyq búginge deıin vıdeolardy burqyratyp jarııalaýda. Chellendjderdi ózderi qaıtalap, selkildep bılegen Baıan-Tursyn vıdeolary eń kóp qaralymǵa ıe ekeni de shyndyq. «TıkTok»-tyń juldyzyna da bul jupty karantın kezeńi aınaldyrǵan edi.
Rasymen, Tursyndy bylaıǵy jurt tek Baıannyń kúıeýi retinde ǵana tanıdy. Onyń iri kásipker ekenin, «Maksı shaı» ımperııasynyń basshysy ekenin ekiniń biri bile bermeıdi. Ókinishke qaraı, júreginiń ámirin tyńdaımyn dep, ıaǵnı Baıanǵa úılengen soń, Tursynnyń bıznesiniń irgetasy shatqaıaqtap, aqyrynda «Maksı shaıdaǵy» tóraǵalyq ornyn bosatqany málim. Dál qazirgi kezde burynǵy kásipkerdiń nemen aınalysyp júrgeni belgisiz. Qalaı bolǵanda da, memleket tarapynan Tursyn Alagózovti «Qurmet» ordenimen marapattap jatsa, demek osyǵan laıyq bolǵany da. Bir orden úshin sonsha pikir aıtyp, synap, minep jatqanymyz azamattyǵymyzǵa da syn emes pe, qalaı oılaısyz?
«Adyrna» ulttyq portaly.
Foto ınstagram paraqshasynan alyndy.
