تۇرىك باۋىرلارىمىز الەۋمەتتىك جەلىلەردە «قازاقستاندى قولداۋ» اكتسياسىن باستادى. يۋتۋب ارناسىندا ارنايى بەينە روليك تۇسىرگەن باۋىرلارىمىز «قازاقستاننان قولىڭدى تارت رەسەي!» دەپ ۇرانداتتى دەپ حابارلايدى «ادىرنا» ۇلتتىق پورتالى وعىز دوعاننىڭ ارناسىنا سىلتەمە جاساپ.
«قازاقستان جالعىز ەمەس» دەگەن تۇرىك جاستارى رەسەي تاراپىنان جاسالىپ وتىرعان ساياسي ارەكەتتەرگە قارسىلىق تانىتۋدا. ەستەرىڭىزگە سالىپ وتەيىك، وتكەن اپتادا رەسەيلىك بىرنەشە شەنەۋنىك «قازاقستانعا جەردى ورىستار سىيلاعان» دەگەن پىكىر ءبىلدىرىپ، قازاق قوعامىن شۋلاتقان-دى. مىنە، وسى ماسەلەگە بايلانىستى الىستا بولسا دا، ەڭ جاقىن باۋىرلارىمىز، تۇرىك اعايىندار ءوز تاراپىنان قولداۋ كورسەتۋ ماقساتىندا اكتسيا باستادى. بەينە روليكتە تۇرىك جاستارى «كىم قازاقستانعا قارسى بولسا، تۇركياعا قارسى» دەپ ۇرانداتتى.
