ءبىلىم جانە عىلىم سالاسىندا ساپانى قامتاماسىز ەتۋ كوميتەتىن قر ءبىلىم جانە عىلىم مينيسترلىگى قۇرامىنان شىعارۋ كەرەك. مۇنداي ۇسىنىستى Astana Garden School مەكتەبىنىڭ نەگىزىن قالاۋشى نۇرمۇحامەد دوسىباەۆ ADAL BILIM الاڭىندا ايتتى، دەپ حابارلايدى «ادىرنا» ءتىلشىسى.
سپيكەردىڭ ايتۋى بويىنشا، مەنەدجمەنت قاعيداسىندا ءبىلىم سالاسىنىڭ ساپالى بولۋى ءۇشىن مىندەتتەردىڭ ورىندالۋى مەن ولاردى قاداعالاۋ جۇمىسى ماڭىزدى ءرول اتقارادى. وسىعان وراي نۇرمۇحامەد دوسىباەۆ ەلىمىزدە اتالعان ماسەلەنى شەشۋدىڭ جولىن ۇسىندى.
«ءبىلىم جانە عىلىم سالاسىندا ساپانى قامتاماسىز ەتۋ كوميتەتىن مينيسترلىكتىڭ قۇرامىنان شىعارۋ كەرەك. ءتىپتى ۇكىمەتتىڭ قۇرامىنان شىعارسا دا ارتىق بولمايدى. سول كەزدە ەلىمىزدەگى بارلىق مەكتەپتىڭ ساپاسىن تاۋەلسىز باقىلاي الامىز. مىسالى انگليادامۇنداي مەكەمە - مەملەكەتتىك ەمەس، قوعامدىق ورگان، بىراق مەملەكەت تاراپىنان قارجىلاندىرىلادى. سەبەبى ول مينيسترلىككە باعىشىنتى بولسا، ءتيىمدى جۇمىس ىستەمەيدى»، - دەيدى سپيكەر.
سونداي-اق Astana Garden School مەكتەبىنىڭ نەگىزىن قالاۋشىسى مەكتەپتەگى مەنەدجمەنتتىڭ ءالسىز بولۋىنا كووپەراتيۆتى باسقارۋ قاعيدالارىنىڭ بولماۋى دا سەبەپ بولاتىنىن العا تارتتى. قازاقستاندا ديرەكتورلاردى اكادەميالىق تۇرعىدا دايىنداعانىمەن، مەنەدجەر بولۋعا ۇيرەتپەيتىنىن ايتادى. ەفير بارىسىندا سپيكەر حالىقارالىق تاجىريبەدە ديرەكتورلار مەن قامقورشىلىق كەڭەستىڭ جۇمىسى قالاي جۇرگىزىلەتىنى تۋرالى ءسوز قوزعادى.
«مەكتەپتە ديرەكتور اتقارۋشى ورگاننىڭ باسشىسى بولىپ سانالادى. حالىقارالىق تاجىريبەگە سۇيەنسەك، مەكتەپتە باسقارۋشى جانە ورىنداۋشى ورگان بار. شەتەلدىك مەملەكەتتىك مەكتەپتەردە باسقارۋشى ورگان – قامقورشىلىق كەڭەس. بىزدە باسقارۋشى ورگان – ءبىلىم باسقارماسى. ياعني ەلىمىزدە قامقورشىلىق كەڭەستىڭ ءالى دە قۇزىرەتتىلىگى جوق. انگليادا مەكتەپ ديرەكتورى توقسان سايىن قامقورشىلىق كەڭەستءىڭ الدىندا ەسەپ بەرەدى. ال ءبىءزدىڭ قامقورشىلىق كەڭەستىڭ قۇرامى دا ناشار. ولاردىڭ قۇرامىنا ساپالى مەنەدجەرلەر كىرىپ، ءۇش كوميتەت جۇمىس ىستەۋى كەرەك: اۋديت جانە تاۋەكەلدەردى باسقارۋ كوميتەتى، ستراتەگيالىق دامۋ جونىندەگى كوميتەت، ماماندارمەن جۇمىس جانە ولاردى ىنتالاندىرۋ بويىنشا كوميتەت. قامقورشىلىق كەڭەستىڭ قۇرامىنداعى ادامدار وسىلاردىڭ بارىنە ءمان بەرىپ، تەگىن قىزمەت ەتۋى قاجەت. ولاي جۇمىس جاساۋى ءۇشىن ءبىلىم جءانە عىلىم مينيسترلىگىنەن سونداي باعىت-باعدار بەرەتىن قۇجات جۇزىندە دايىندالىپ، قارجى ءبولىنۋى ءتيىس»,- دەدى نۇرمۇحامەد دوسىباەۆ.
«ادىرنا» ۇلتتىق پورتالى
