ستاتي ءىس شەڭبەرىندە نيدەرلاند كورولدىگىنىڭ جوعارعى سوتى قازاقستاندى قولداپ KMG Kashagan B.V. كومپانياسىنداعى «سامۇرىق-قازىنا» اق-نىڭ اكتسيالارىنا ۋاقىتشا تىيىم سالۋ بويىنشا شەشىمدى قايتا قاراۋ تۋرالى شەشىم شىعاردى دەپ حابارلايدى "ادىرنا" ۇلتتىق پورتالى Baq.kz سايتىنا سىلتەمە جاساپ.
بۇل تۋرالى ادىلەت مينيسترلىگىنىڭ ءباسپاسوز قىزمەتى حابارلادى.
قازاقستان رەسپۋبليكاسىنىڭ ادىلەت مينيسترلىگى مەن «سامۇرىق-قازىنا» ۇاق» اق اناتول ستاتي، گابريەل ستاتي، Ascom S. A. جانە Terra Raf Trans Traiding Ltd.-گە (ستاتي) قارسى نيدەرلاندى جوعارعى سوتىنداعى پروتسەستە تابىسقا جەتتى.2020 جىلعى 18 جەلتوقساندا نيدەرلاند جوعارعى سوتى ستاتي مەن قازاقستان رەسپۋبليكاسى اراسىنداعى داۋمەن بايلانىستى KMG Kashagan B.V. كومپانياسىنداعى «سامۇرىق-قازىنا» اق اكتسيالارىنا تىيىم سالۋعا قاتىستى جەڭىلدەتىلگەن ءىس جۇرگىزۋ شەڭبەرىندە امستەردام اپەللياتسيالىق سوتىنىڭ 2019 جىلعى 7 مامىرداعى شەشىمىنىڭ كۇشىن جويدى.
نيدەرلاندى جوعارعى سوتى بىرىككەن ۇلتتار ۇيىمىنىڭ مەملەكەتتەردىڭ يۋريسديكتسيالىق يممۋنيتەتتەرى جانە ولاردىڭ مەنشىگى تۋرالى كونۆەنتسياسىنىڭ 19 (س) بابىنا سۇيەنە وتىرىپ، بۇل ەرەجە ادەتتەگى حالىقارالىق قۇقىقتى كورسەتەتىنىن انىقتادى. وسىلايشا، جوعارعى سوت ءىستى قايتا قاراۋعا گااگا اپەللياتسيالىق سوتىنا جىبەردى. KMG Kashagan B.V. كومپانياسىنداعى «سامۇرىق-قازىنا» ۇاق» اق اكتسيالارىنا تىيىم سالۋدىڭ زاڭدىلىعى گااگا اپەللياتسيالىق سوتىمەن قايتا قارالاتىن بولادى. قازاقستان رەسپۋبليكاسى گااگا اپەللياتسيالىق سوتى تىيىم سالۋدى زاڭسىز دەپ ساناپ، ونىڭ كۇشىن جوياتىنىنا سەنىمدى.
قازاقستان رەسپۋبليكاسى ءوزىنىڭ ينۆەستيتسيالىق احۋالىن جانە ءوزىنىڭ كوپتەگەن زاڭدى ينۆەستورلارىن قورعاۋعا بەل بۋدى. سونداي-اق، رەسپۋبليكا الاياقتىقپەن، اقشانى جىلىستاتۋمەن جانە سىبايلاس جەمقورلىقپەن كۇرەسىپ جاتىر.
سوندىقتان قازاقستان ءوزىنىڭ ينۆەستيتسيالىق جۇيەسىن جۇيەلى تۇردە ينۆەستيتسيالاردى قورعاۋ قالقانىنىڭ ارتىندا جاسىرىنىپ جۇرگەن ستاتي تارابىمەن تەرىس پايدالانۋعا قاتىستى قۇقىقتىق شارالاردى اشكەرەلەۋگە، باعالاۋعا جانە قابىلداۋعا ءوز جاۋاپكەرشىلىگىنەن قۇقىق ۇستەمدىگى قاعيداتىنا سايكەس باس تارتپايدى.
