ءىز-ءتۇزسىز جوعالعان 13 جاسار قىز مەشىتتە تۇنەگەن

2312
Adyrna.kz Telegram

تۇركىستان وبلىسىنىڭ پوليتسەيلەرى ۇيىنەن شىعىپ كەتىپ، ءىز-ءتۇزسىز جوعالعان 13 جاستاعى قىزدى تاپتى، – دەپ حابارلايدى «ادىرنا» ۇلتتىق پورتالى Polisia.kz-كە سىلتەمە جاساپ.

سارىاعاش اپب-نە تۇنگى ساعات 23:00 شاماسىندا جەرگىلىكتى تۇرعىن ارىزدانىپ كەلگەن. ايەل ءوز ارىزىندا كەشكى ساعات 17:30-داردا قىزى ۇيىنەن شىعىپ كەتىپ، سودان حابارسىز كەتكەنىن كورسەتكەن. ءجاسوسپىرىمنىڭ اناسى ءوز بەتىنشە ىزدەۋدەن ەش ناتيجە شىقپاعان سوڭ، پوليتسيا قىزمەتكەرلەرىنەن كومەك سۇراعان.

پوليتسەيلەر اقپارات الىسىمەن بىردەن ىزدەستىرۋ جۇمىستارىنا كىرىستى. كورگەن-بىلگەندەردەن جاۋاپ الىپ، حالىق كوپ شوعىرلانعان ايماقتاردا سۇراستىرۋ جۇمىستارى جۇرگىزىلدى. تو پد اۋداندىق، قالالىق پوليتسيا ءبولىم، باسقارمالارىنا باعىتنامالار جىبەرىلدى.

ءتارتىپ ساقشىلارى جوعالعان قىزدى تەز ارادا تابۋ ماقساتىندا تاكسي جۇرگىزۋشىلەرىنەن، ءبىلۋى مۇمكىن دەگەن دوستارىنان سۇراستىردى. سونىڭ ناتيجەسىندە تاۋلىك ىشىندە قىزدىڭ جۇرگەن جەرى انىقتالىپ، ول ورتالىق مەشىتتىڭ جانىنان تابىلدى. تەكسەرۋ بارىسىندا اعاسىمەن رەنجىسىپ قالعان قىز ۇيىنەن شىعىپ كەتىپ، مەشىتتە تۇنەگەنى بەلگىلى بولدى.

قازىرگى تاڭدا ءجاسوسپىرىم قىز اناسىنا امان-ەسەن تابىستالدى.

ءوز كەزەگىندە قىزىنىڭ ءدىن-امان تابىلعانىنا قۋانىپ، اناسى: – قىزىم بەلگىسىز سەبەپتەرمەن ۇيدەن شىعىپ كەتكەن بولاتىن. ءوزىم ىزدەستىرىپ تابا الماعان سوڭ پوليتسيا قىزمەتكەلەرىنەن كومەك سۇرادىم. سارىاعاشتىق پوليتسەيلەر جەدەل ىزدەستىرىپ، قىزىمدى تاۋىپ بەردى. پوليتسەيلەرگە العىسىمدى ايتامىن!، – دەپ ريزاشىلىعىن ءبىلدىردى.

تۇركىستان وبلىسىنىڭ پوليتسەيلەرى بارلىق اتا-انالارعا بالالارىنا ۇيدەن ۇلكەندەردىڭ رۇقساتىنسىز شىقپاۋ كەرەكتىگىن ۇنەمى ەسكەرتىپ، ولاردى باقىلاۋدا ۇستاۋعا كەڭەس بەرەدى. سونىمەن قاتار جاسوسپىرىمدەردىڭ وتپەلى كەزەڭىندە ولارمەن دوس رەتىندە سويلەسۋگە شاقىرادى.

«ادىرنا» ۇلتتىق پورتالى

 

پىكىرلەر