قار بارىسى - كوروناۆيرۋستى جۇقتىرعان سوڭعى اڭ...

1878
Adyrna.kz Telegram

«ۆيرۋسپەن اۋىرعان ارىستاندار مەن جولبارىستار جازىلىپ شىقتى» دەگەن اقپاراتقا سەنەسىزدەر مە؟

سەنبەسەڭىزدەر، لۋيسۆيلل حايۋاناتتار باعىنداعى قار بارىستارى كوروناۆيرۋسپەن اۋىرعان ەڭ سوڭعى اڭداردىڭ قاتارىندا. NeeCee اتتى ۇرعاشى قار بارىسىنىڭ جاعدايى وڭ ناتيجە بەرىپ وتىر، قالعان ەكى بارىستىڭ دا حال-اقۋالى تۇزەلەدى دەپ كۇتىلۋدە. الايدا ول ۇلتتىق، ۆەتەريناريالىق، دياگنوستيكالىق ورتالىعىندا راستالۋى كەرەك.

بۇل قار بارىستارىندا، ساۋىردە برونكس زووباعىنداعى جولبارىستار مەن ارىستانداردا انىقتالعانداي، جوتەل مەن ىسقىرۋدىڭ بەلگىلەرى بايقالدى. ال نيۋ-يورك زووباعىنداعى جولبارىستار  ەش قيىندىقسىز ەمدەلىپ شىقتى. كەنتۋككي حايۋانتتار باعىنداعى اۋرۋعا شالدىققان قار بارىستارى دا كوپ كۇتتىرمەي جازىلىپ شىعادى دەپ بولجانۋدا.

ول، ول ما؟ سونىمەن قاتار كۇزەندەر، يتتەر مەن ءۇي مىسىقتارى دا ادامدار سياقتى Covid-19 ۆيرۋسىن جۇقتىردى. ءتىپتى مىسىقتار مەن كۇزەندەر ونى باسقا جانۋارلارعا دا تاراتا الاتىن بولىپ شىقتى. كۇزەن – بۇل ىندەتكە قاتتى شالدىعاتىن جانە كوروناۆيرۋستى ادامدارعا جۇقتىرا الاتىن جالعىز جانۋار.

ۆيرۋستىڭ مۋتاتسياعا ۇشىراۋى ۆاكتسينانىڭ تيىمدىلىگىنە كەرى اسەر ەتەدى. دانيا ەلى: «وسى قاۋىپتىڭ الدىن الۋ ءۇشىن 17 ميلليونعا جۋىق كۇزەندى ءولتىرۋ كەرەك «دەگەن شەشىم قابىلدادى. دەسە دە كۇزەننىڭ قاۋىپ توندىرە الۋى دالەلدەنگەن جوق، بىراق كوپتەگەن عالىمدار بۇل ارەكەتتى قولدادى. ويتكەنى كۇزەندەر اراسىنداعى پاندەميا مۋتاتسيانىڭ پايدا بولۋىنا، ادامدارعا جانە باسقا جانۋارلارعا تەز تارالۋىنا تۇرتكى بولۋشى ەدى.

يتتەر مەن مىسىقتاردىڭ ادامدارعا ۆيرۋستى جۇقتىرۋى تۋرالى ناقتى دەرەك جوق. اۋرۋدىڭ الدىن الۋ مەن باقىلاۋ ورتالىعى ءۇي جانۋارلارىنىڭ يەلەرى مەن اۋىلشارۋاشىلىعىنداعى كۇزەن فەرمەرلەرىنە ارنالعان ارنايى نۇسقاۋلىق دايىندادى.

جالپى، جانۋارلاردا ۆيرۋستى انىقتاۋ ادامداردىكىنەن وزگەشە. ونداي تاجىريبەلەر ارنايى زەرتحانالاردا جاسالادى. ماسەلەن، لۋيسۆيلل حايۋاناتتار باعى قار بارىستارىنىڭ ءناجىس سىنامالارىن يللينويس ۋنيۆەرسيتەتىنىڭ ۆەتەرينارلىق، دياگنوستيكالىق زەرتحاناسىنا جىبەرگەننەن كەيىن ولاردىڭ كوروناۆيرۋسپەن اۋىرعاندىعى انىقتالدى.

ول سىنامالار قوسىمشا ايوۆا شتاتىنداعى ۇلتتىق، ۆەتەرينارلىق قىزمەت زەرتحانالارىنا جونەلتىلدى. ساراپتاۋ ناتيجەسى بويىنشا NeeCee قار بارىسىنىڭ جاعدايى وڭ ناتيجەلى ەكەنىن راستادى. ال قالعان ەكى ءىلبىستىڭ دەنساۋلىعى تۋرالى سىناما ناتيجەلەرى كۇتىلۋدە.

دەرەككوزدەر:

  1. James Gorman/2020/Snow Leopards Are the Latest Cats to Be Infected With the Coronavirus

https://www.nytimes.com/2020/12/11/science/covid-snow-leopards.html

اۋدارعان: قىمبات مۇرات،

"ادىرنا" ۇلتتىق پورتالى

 

پىكىرلەر