Halyk Bank كوممەرسانتتار، شاعىن جانە ميكرو-بيزنەس ءۇشىن سمارتفونداردا كونتاكتىسىز تولەمدەردى قابىلداۋ ءۇشىن قولايلى شەشىم - Halyk Pos قوسىمشاسىن (SoftPos تەحنولوگياسىندا) ۇسىنادى.
جاناسۋسىز تولەمدەر تەحنولوگياسىنا نەگىزدەلگەن Halyk Pos قوسىمشاسى NFC-ءمودۋلى بار Android بازاسىنداعى سمارتفوندى قوسالقى جابدىقسىز POS-تەرمينالعا اينالدىرۋعا مۇمكىندىك بەرەدى. ول شاعىن ساۋدا-سەرۆيستىك كاسىپورىندار ءۇشىن ارنالعان جانە ولارعا كونتاكتىسىز تولەمدەردى سمارتفوننىڭ كومەگىمەن قابىلداۋعا مۇمكىن بەرەدى. شەشىم ساۋدا-سەرۆيستىك جەلىدە ەلەكتروندىق تولەمدەردى قابىلداۋ مۇمكىندىكتەرىن ايتارلىقتاي ۇلعايتىپ، ساۋدا نۇكتەسىنىڭ كليەنتتەر بازاسىن كوبەيتۋگە جانە ەكۆايرينگ قىزمەتتەرىنە قوسىلۋ قۇنىن بارىنشا ازايتۋعا مۇمكىندىك بەرەدى.
Halyk Bank ترانزاكتسيالىق بيزنەسى دەپارتامەنتىنىڭ ديرەكتورى گۇلسىم دۋشاتوۆا: «Halyk Pos قوسىمشاسى قولما-قول تولەمدەر بويىنشا، مىسالى، ينكاسساتسياعا شىعىنداردى قىسقارتۋعا جانە قولما-قول اقشاسىز تولەمدەردى بەلسەندى قابىلداۋعا مۇددەلى ميكرو جانە شاعىن بيزنەسكە ارنالعان. جاڭا شەشىم كونتاكتىسىز تولەمدەر قابىلداۋ جەلىسىن كەڭەيتۋ، كليەنتتەر بازاسىن ۇلعايتۋ جانە ەكۆايرينگ قىزمەتتەرىنە قوسىلۋعا شىعىنداردى تومەندەتۋ ارقىلى كاسىپكەرلەردىڭ بيزنەس-پروتسەستەرىن وڭتايلاندىرۋعا مۇمكىندىك بەرەدى. بولشەك بيزنەستىڭ كليەنتتەرى دە، ءوز كەزەگىندە، كونتاكتىسىز تەحنولوگيالاردىڭ كومەگىمەن جىلدام، ىڭعايلى جانە قاۋىپسىز تولەم جۇرگىزۋ مۇمكىندىگىنە يە بولادى».
جاناسۋسىز تولەم تەحنولوگياسى ارقىلى تولەمدەر قابىلداۋعا قوسىلۋ ءۇشىن كاسىپكەر Halyk Pos قوسىمشاسىن جۇكتەپ, Halyk Bank-پەن ەكۆايرينگ شارتىن بەكىتۋى كەرەك. POS-تەرمينالدى تولىعىمەن الماستىرا الاتىن Halyk Pos قوسىمشاسىن ورناتىپ، ءسىز كونتاكىسىز POS-تەرمينالدىڭ بارلىق فۋنكتسيالارىنا قوسىمشا قۇرىلعىلارسىز قول جەتكىزە الاسىز.
نەگىزگى ارتىقشىلىقتارى
- POS-تەرمينالدىڭ ورنىنا سمارتفون، قوسىمشا جابدىق ساتىپ الۋدىڭ قاجەتى جوق
- كونتاكتىسىز تولەمدەر قابىلداۋ 24/7
- كەز كەلگەن بانك كارتاسىمەن تولەۋ جانە سمارتفون ارقىلى تولەۋ
- وپەراتسيالار تۋرالى ناقتىلانعان ەسەپتىلىك
- تولەمدەر قابىلداۋ بويىنشا زاڭنامانى ساقتاۋ
- بارلىق بانكتەردىڭ كليەنتتەرىن قوسۋ
فۋنكتسيالارى
- كەز كەلگەن بانكتەردىڭ كارتالارى بويىندا (Visa, Mastercard جانە Union Pay) تولەمدەر قابىلداۋ
- Homebank Pay, Apple Pay, Samsung Pay جانە Garmin Pay ارقىلى سمارتفونمەن تولەمدەرقابىلداۋ
- تولەمدەردى بولدىرماۋ جانە كەرى قايتارۋ
- ەلەكتروندىق چەكتەردى جونەلتۋ
- وپەراتسيالار بويىنشا ءتىزىمدى جانە ەرەكشەلىكتەرىن قاراۋ
