«سولتۇستىك قازاقستان – ورىستىڭ جەرى» دەپ جازىلعان باننەر ماسكەۋدەگى قازاقستان ەلشىلىگىنىڭ قاقپاسىنا ىلىنگەن دەپ حابارلايدى «ادىرنا» ۇلتتىق پورتالى رەسەيلىك «وۆد-ينفو» باسىلىمىنا سىلتەمە جاساپ.
«قازاقستان ەلشىلىگىنىڭ الدىندا «پاتريوت» قوزعالىسىنىڭ مۇشەسى انتون اتتى ازامات ۇستالدى. بۇل تۋرالى انتوننىڭ جولداستارى حابارلادى. انتوننىڭ دوستارىنىڭ ايتۋىنشا، پوليتسەيلەر ونى ەلشىلىكتەن اۋلاققا الىپ كەتكەن. بايلانىستان اجىراعان. انتوندى «سولتۇستىك قازاقستان – ورىستىڭ جەرى» دەگەن باننەر ءۇشىن ۇستاپ اكەتۋى مۇمكىن دەگەن بولجام بار» دەپ كورسەتىلگەن حابارلامادا.
بۇل جاعداي 11 جەلتوقساندا بولعان. ال كەلەسى كۇنى «بولشايا يگرا» باعدارلاماسىندا دۋما دەپۋتاتى ۆ.نيكونوۆ قازاق قوعامىن دۇرلىكتىرەر دۇنيەنى ايتىپ ساندىراقتاپ ەدى. مۇنىڭ بارلىعى جاي عانا سايكەستىك پە، الدە الدىن-الا دايىندالعان شوۋ ما؟ ازىرگە بەلگىسىز. رەسەيلىك باسىلىم انتوننىڭ كەيىنىرەك بوساتىلعانىن حابارلادى.
