ستۋدەنتتەردىڭ ساپالى ءبىلىم الىپ جاتقانىنا كوز جەتكىزۋدىڭ جالعىز جولى – ەمتيحان ۋاقىتىندا ۇزدىكسىز باقىلاۋ جۇرگىزۋ جانە ونلاين-پروكتورينگتى قولدانۋ. پاندەمياكەزىندە جوعارى وقۋ ورىندارى قاشىقتان وقىتۋ فورماتىنا كوشىپ قانا قويماي، ءبىلىم ساپاسىن جوعالتپاۋ ءۇشىن ءتيىستى شارالار قابىلداۋى كەرەك بولدى. بۇل تۋرالى تالعات نارىكباەۆ ورتالىق كوممۋنيكاتسيالار قىزمەتىندە وتكەن بريفينگتە ايتتى، دەپ حابارلايدى «ادىرنا» ءتىلشىسى.
«ەمتيحانداردىڭ ونلاين فورماتتا ءادىل ءوتۋىن ەندى كومپيۋتەرلەر قاداعالايدى. قازىرگى ستۋدەنت – بولاشاقتا ءسىز بەن ءبىزدىڭ ومىرىمىزگە اسەر ەتەتىن مامان. ديپلوم العان مامان دۇرىس ءبىلىم الىپ شىعۋى كەرەك. كەيىن ولار ءوزىمىزدى ەمدەيدى، سوتتا سۋديا بولادى، مەملەكەتتىك قىزمەتتە جۇمىس ىستەيدى جانە وزگە دە كۇندەلىكتى پايدالاناتىن قىزمەتتەردى كورسەتەدى»، - دەدى م.س. نارىكباەۆ اتىنداعى كازگيۋ ۋنيۆەرسيتەتىنىڭ توراعاسى.
ونلاين پروكتورينگ – قاشىقتان ەمتيحان تاپسىرۋ كەزىندە كوشىرۋدى جانە باسقا دا ادىلەتسىزدىكتىڭ الدىن الاتىن تسيفرلىق شەشىم. ونى الەمنىڭ وزىق ۋنيۆەرسيتەتتەرى قولدانۋدا. ساپالى ونلاين پروكتورينگ ءتىرى ادام سياقتى ستۋدەنتتى ءدال سول ۋاقىتتا ۆەب-كامەرا ارقىلى باقىلاپ، ارتىق قيمىل جاساماۋىن قاداعالايدى. ستۋدەنتتىڭ كوز جانە ەرىن قيمىلدارىن باقىلاپ، شپورگالكاپايدالانسا نەمەسە بولمەدەگى بوتەن ادامنان كومەك سۇراسا بىردەن انىقتايدى.
ەمتيحان اياقتالعاننان كەيىن جۇيە تەك ستۋدەنت قيمىلىنىڭ عانا ەمەس، كومپيۋتەرىنىڭ ەكرانىندا اشقان سايتتار مەن قۇجاتتار بەينەسىن ساقتايدى، كۇدىكتى ارەكەتتەر حاتتاماسىن جاسايدى جانە ستۋدەنتتىڭ «كۇدىك رەيتينگىن» ەسەپتەپ شىعارادى.
تالعات نارىكباەۆتىڭ ايتۋىنشا، كازگيۋ قازىرگى ۋاقىتتا ونلاين-پروكتورينگتى ءساتتى قولدانۋدا.
«ونلاين فورماتتا ساپالى ءبىلىممەن قامتاماسىز ەتۋدىڭ بەلگىلەرى: ءبىلىم الۋشىلاردىڭ وقۋ كونتەنتىنە قولجەتىمدىلىگى, "e-learning"-گەارنالعان تۇراقتى جۇمىس ىستەيتىن پلاتفورمانىڭ بولۋى، ساباققا قاتىسۋدى جانە ماتەريالدى يگەرۋدى ەسەپكە الۋ، بەلگىلەۋ، وقىتۋشىلاردىڭ ستۋدەنتپەن ارقاشان كەرى بايلانىستا بولۋى، ونلاين-ەمتيحانداردى وتكىزۋ بارىسىندا پروكتورينگتى قولدانۋ. ياعني، ونلاين ءبىلىم بەرۋ كەزىندە وفلاينمەن سالىستىرعاندا ايتارلىقتاي وزگەرىس بولعان جوق», - دەپ اتاپ ءوتتى باسقارما توراعاسى.
«ادىرنا» ۇلتتىق پورتالى
