قازىرگى ۋاقىتتا الماتى قالاسىندا 2800-گە جۋىق جەكە تۇرعىن ءۇي گازبەن جابدىقتاۋ جۇيەسىنە قوسىلماعان. قىستىڭ كۇنى كومىر جاعۋ ارقىلى ءۇيدى جىلىتۋ قالانىڭ ەكولوگيالىق جاعدايىنا كەرى اسەرىن بەرسە، وتباسى ءۇشىن ارتىق شىعىن جانە اۋرەگە سالاتىنى ايدان انىق. وسى جىلدىڭ باسىندا الماتى قالاسىنىڭ اكىمى باقىتجان ساعىنتاەۆ قالا تۇرعىندارىنىڭ ۇيلەرىن گازعا قوسۋ ءۇشىن ەكىنشى دەڭگەيلى بانكتەر ارقىلى كرەديت بەرۋ مۇمكىندىگىن قاراستىرۋدى تاپسىرعان. وسى ورايدا، Halyk Bank اكىمدىكتىڭ بۇل باستاماسىن قولداپ، گاز ورناتۋعا پايىزسىز كرەديت بەرۋدەن بولەك، تۇرمىسى تومەن وتباسىلارعا گازدى تەگىن ورناتۋ جوباسىن باستاپ كەتتى.
«جوبا حالىقتىڭ الەۋمەتتىك وسال توبىنا جاتاتىن جانە ءوز ۇيلەرىن گازبەن جابدىقتاعىسى كەلەتىن باسقا دا قالا تۇرعىندارىن قامتيدى. كومىر جاعۋ قالانىڭ اۋا تازالىعىنا كەرى اسەرىن بەرەتىنىن بىلەمىز، سوندىقتان Halyk Bank حالىقتىڭ الەۋمەتتىك تۇرعىدان وسال توبىنا جاتاتىن تۇرعىنداردىڭ ۇيلەرىنە گازدى تەگىن قوسادى. الماتى اكىمدىگى ۇسىنعان تىزىمگە سايكەس، ۇيگە گازدى تەگىن قوسۋ عانا ەمەس، ونىمەن قوسا بارلىق قاجەتتى گاز جابدىقتارىن ساتىپ الۋعا دا كومەكتەسەمىز. ال، الەۋمەتتىك تۇرمىسى تومەن وتباسى قاتارىنا جاتپايتىن الماتىلىقتار ءۇشىن پايىزسىز كرەديت ۇسىنامىز. بۇل ءبىزدىڭ قالامىزدىڭ اۋە باسسەينىن تازارتۋعا قوسقان ۇلكەن ۇلەسىمىزدىڭ ءبىرى»، - دەدى Halyk Bank باسقارما توراعاسىنىڭ ورىنباسارى داۋرەن سارتاەۆ.
ءاربىر ۇيگە گاز ورناتۋ بويىنشا قاجەتتى جۇمىستاردى Temel Group Stroy كومپانياسىاتقارۋدا. اتاۋلى ۇيىمنىڭ اتقارۋشى ديرەكتورى اسلان تولەۋتاەۆتىڭ ايتۋىنشا، گاز ورناتۋ جۇمىسى جەكە قارالادى. ماسەلەن، كەيبىر ۇيلەردە پەش ورناتۋعا ارنالعان بولەك بولمە سالۋ قاجەت بولسا، ال كەيبىر ۇيدە ەسىك نەمەسە تەرەزەنى اۋىستىرۋعا تۋرا كەلەدى. ياعني، گاز ورناتۋعا قاجەتتى جابدىقتاردان بولەك، باسقا قاجەتتى تاۋاردى الۋ، ونى ورناتۋ جۇمىستارىن دا اتقارامىز - دەدى اسلان تولەۋتاەۆ.
«مەن ءۇيدى جيىرما جىل بويى كومىر جاعىپ، جىلىتىپ كەلەمىن. ماعان بۇل وتە قيىن ەدى، ويتكەنى اياعىم اۋىرادى. ەندى، مىنە Halyk Bank-ءتىڭ ارقاسىندا مەنىڭ ارمانىم ورىندالدى، بۇگىن مەنىڭ ۇيىمە گاز قوسىلدى. بۇل يگى ىسكە ريزاشىلىعىم شەكسىز»، - دەدى زەينەتكەر، 3-توپ مۇگەدەگى گالينا گونچاروۆا.
جالعىز باستى انا گۇلباحرام بۋلتاكوۆا: «بۇرىن قىزىم ەكەۋمىز بولمەنىڭ ءدال ورتاسىندا تۇرعان پەشتى جاعۋىمىز كەرەك ەدى. بانكتىڭ قولداۋىنىڭ ارقاسىندا ۇيگە گاز جەتكىزىلىپ، ۇيگە جىلۋ جۇيەسى ورناتىلدى. ولار پەش تۇراتىن بولمەنى دە وزدەرى تۇرعىزدى، مەن بانككە شىن جۇرەكتەن ريزامىن».
تۇرمىسى تومەن وتباسىلاردىڭ ۇيىنە گاز قوسۋ ءۇشىن Halyك Bank 60 ميلليون تەڭگەدەن استام قاراجات ءبولدى. بۇگىنگى كۇنى 10 وتباسىعا گاز تەگىن ورناتىلدى، جىل سوڭىنا دەيىن ناۋرىزباي جانە الاتاۋ اۋدانى بويىنشا 70 استام ۇيگە تەگىن گاز تارتۋ جوسپارعان.
ونىمەن قوسا، كەز كەلگەن الماتى قالاسىنىڭ تۇرعىندارى گاز جابدىعىن ورناتۋ ءۇشىن پايىزسىز كرەديت الۋ مۇمكىندىگى دە بار
- سىياقى مولشەرلەمەسى - 0%;
- زايمدى رەسىمدەگەنى ءۇشىن كوميسسيا 0,1%
- كرەديتتەۋ مەرزىمى – 18 ايعا دەيىن
- ءبىر جەكە تۇلعا ءۇشىن زايمنىڭ سوماسى 309 000 ₸ مولشەرىندە
پايىزسىز كرەديت الۋ ءۇشىن ازاماتتار كەلەسى قادامداردى ورىنداۋى قاجەت:
- قاجەتتى قۇجاتتاردىڭ تىزىمىمەن كەڭەسۋ ءۇشىن اۋدان اكىمدىكتەرىمەن بايلانىسۋ قاجەت;
- گازدى قوسۋدىڭ تەحنيكالىق شارتتارىن الۋ جانە قىزمەتتى ۇسىناتىن كومپانيالارمەن كەلىسىم جاساۋ;
- وسى كەلىسىممەن كرەديت الۋ ءۇشىن كەلەسى مەكەنجايلارداعى Halyk ءBank–تىڭ ەكى بولىمشەسىنىڭ بىرىنە حابارلاسۋ قاجەت:
- تۇركسىب اۋدانى، كۋنگۋرسكايا كوشەسى، 2 ءۇي، Halyk Bank, 131832 بولىمشەسى;
- اۋەزوۆ اۋدانى، «جەتىسۋ-4» شاعىن اۋدانى، 13 «ا» ءۇي، Halyk Bank, 30 جسو
باعدارلاما تۋرالى تولىعىراق بانك سايتىنان تانىسۋعا بولادى:
https://halykbank.kz/kz/credit/kredit-gaz
