قىزىلوردا وبلىسىنىڭ ەكس-اكىمى سوتتالۋى مۇمكىن

3243
Adyrna.kz Telegram

قىزىلوردا وبلىسىنىڭ ەكس-اكىمى 8 جىلعا دەيىن باس بوستاندىعىنان ايىرىلۋى مۇمكىن، دەپ حابارلايدى «ادىرنا» ۇلتتىق پورتالى «Astana TV» ارناسىنا سىلتەمە جاساپ.

«قوماقتى قارجى جىمقىردى» دەپ ايىپتالعان قۋانىشبەك ىسقاقوۆقا مەملەكەتتىك ايىپتاۋشى وسىنداي جازا تالاپ ەتتى.

ەستەرىڭىزگە سالا كەتەيىك، ءوڭىردىڭ بۇرىنعى باسشىسى، سونداي-اق ونىڭ ورىنباسارلارى مارات دەلمۇحانوۆ پەن مۇرات يماندوسوۆ ناۋرىز ايىندا تۇتقىندالعان ەدى. ولارعا "سىر مەيىرىمى" قوعامدىق الەۋمەتتىك قورىنداعى 80 ميلليون تەڭگەنى يەمدەندى دەگەن ايىپ تاعىلدى. كۇدىكتىلەر ارىستاعى قويما جارىلىسىنان زارداپ شەككەندەرگە بۇكىل حالىق بولىپ جيناعان قاراجاتتى جىمقىرعان بولىپ شىقتى. تاعىلعان ايىپتاردى ەكس-اكىم مويىندامادى. سوت ۇكىمى ەكى كۇننەن كەيىن شىعۋى ءتيىس.

«ادىرنا» ۇلتتىق پورتالى

پىكىرلەر