قاراعاندا وبلىسىندا 4-ءشى سىنىپ وقۋشىلارى 8 جاسار بالانى زورلاپ، كامەراعا تۇسىرگەن. بۇل تۋرالى «نەمولچي» قورىنىڭ باسشىسى دينا ءتاڭسارى (سمايىلوۆا) Facebook جەلىسىندە جازدى، دەپ حابارلايدى «ادىرنا» ۇلتتىق پورتالى.
«قاراعاندى وبلىسىنداعى 8 جاستاعى ۇلدىڭ اتا-اناسىنان تاعى ءبىر حابارلاما كەلدى. ولاردىڭ بالاسىن 4-سىنىپ وقۋشىلارى زورلاعان. باسقا بالالاردىڭ كوزىنشە پورنوگرافيالىق ۆيدەولاردى كورۋگە ماجبۇرلەگەن»،-دەپ جازدى ول.
قور باسشىسىنىڭ سوزىنشە، بۇل سوڭعى ون كۇن ارالىعىنداعى ءۇشىنشى مالىمدەمە.
سونداي-اق، «نەمولچي.kz» قوعامدىق قورىنىڭ مۇشەسى تاتيانا كورول دا ءوز پىكىرىن ءبىلدىردى.
«شىمكەنتتە ون ەكى جاسار ۇل بالا 4 جاستان 8 جاسقا دەيىنگى بەس بالاعا ەكى اي بويى ازعىندىق جاساعان. تۇركىستاندا ون بەس جاستاعى ءۇش ءجاسوسپىرىم ينتەرناتتا ون ءتورت جاسار بالانى زورلاعان. ءسىز وسىنداي ۇرپاقتان نە كۇتەسىز؟ بالالارىڭىزبەن سويلەسىڭىز. ولارعا جىنىستىق قاتىناس تۋرالى، قاۋىپسىزدىك تۋرالى، زاڭ تۋرالى، ەڭ باستىسى ماحاببات پەن شىنايى سەزىم تۋرالى ءتۇسىندىرىڭىز! وتباسىڭىز بەن بالالارىڭىزدى بارىنەن جوعارى قويىڭىز»،-دەپ ءسوزىن قورىتىندىلادى ول.
«ادىرنا» ۇلتتىق پورتالى
