Twitter الەۋمەتتىك جەلىسى «ادامنىڭ قادىر-قاسيەتىن تومەندەتەتىن» تىزىمگە ناسىلىنە، ەتنوسىنا جانە ۇلتتىق تەگىنە بايلانىستى ديسكريميناتسياعا قارسى جاڭا ەرەجەلەر ەنگىزدى.
"بۇل ساياسات ءدىن، كاستا، جاس، مۇگەدەكتىك جانە اۋرۋ نەگىزىندە ادامنىڭ قادىر-قاسيەتىن قورلايتىن مالىمدەمەلەرگە تىيىم سالۋدى قامتيدى. زەرتتەۋلەر ادامنىڭ قادىر-قاسيەتىن قورلايتىن سوزدەر ناقتى زيان كەلتىرۋى مۇمكىن ەكەنىن راستايدى جانە ءبىز بۇكىل الەمدە كوپتەگەن ادامداردىڭ قورعالۋىنا قول جەتكىزگىمىز كەلەدى... ءبىزدىڭ ەرەجەلەرىمىز ادامداردى قورعاۋ ءۇشىن ۇنەمى جاڭارتىلىپ وتىرادى. بۇگىن ءبىز ناسىلگە، ەتنيكالىق جانە ۇلتتىق شىعۋ تەگىنە بايلانىستى ادامنىڭ قادىر - قاسيەتىن تۇسىرەتىن مالىمدەمەلەرمەن كۇرەسۋ ءۇشىن "جەككورۋشىلىك مىنەز-قۇلىق" ساياساتىن كەڭەيتۋدەمىز", - دەلىنگەن Twitter الەۋمەتتىك جەلىسىنىڭ بلوگىندا.
الەۋمەتتىك جەلى پلاتفورماسىندا وسىعان ۇقساس مازمۇنداعى حابارلامالاردىڭ بولۋى تۋرالى حابارلاما العاننان كەيىن پايدالانۋشىلاردان وسى تۆيتتەردى جويۋدى تالاپ ەتەدى. كومپانيا سونىمەن قاتار ەرەجەلەردى بۇزاتىن حابارلامالاردى انىقتاۋ ءۇشىن اۆتوماتتاندىرىلعان مەحانيزمدەردى قولدانۋعا نيەتتى.
ەگەر پايدالانۋشى "Twitter ەرەجەلەرىن بىرنەشە رەت بۇزۋدى جالعاستىرسا، ءبىز اككاۋنتتى ۋاقىتشا بۇعاتتاي الامىز", - دەپ حابارلايدى الەۋمەتتىك جەلى.
فوتو اشىق دەرەككوزدەن الىندى
“ادىرنا” ۇلتتىق پورتالى
