Twitter áleýmettik jelisi «adamnyń qadir-qasıetin tómendetetin» tizimge násiline, etnosyna jáne ulttyq tegine baılanysty dıskrımınaııaǵa qarsy jańa erejeler engizdi.
"Bul saıasat din, kasta, jas, múgedektik jáne aýrý negizinde adamnyń qadir-qasıetin qorlaıtyn málimdemelerge tyıym salýdy qamtıdy. Zertteýler adamnyń qadir-qasıetin qorlaıtyn sózder naqty zııan keltirýi múmkin ekenin rastaıdy jáne biz búkil álemde kóptegen adamdardyń qorǵalýyna qol jetkizgimiz keledi... Bizdiń erejelerimiz adamdardy qorǵaý úshin únemi jańartylyp otyrady. Búgin biz násilge, etnıkalyq jáne ulttyq shyǵý tegine baılanysty adamnyń qadir - qasıetin túsiretin málimdemelermen kúresý úshin "jekkórýshilik minez-qulyq" saıasatyn keńeıtýdemiz", - delingen Twitter áleýmettik jelisiniń blogynda.
Áleýmettik jeli platformasynda osyǵan uqsas mazmundaǵy habarlamalardyń bolýy týraly habarlama alǵannan keıin paıdalanýshylardan osy tvıtterdi joıýdy talap etedi. Kompanııa sonymen qatar erejelerdi buzatyn habarlamalardy anyqtaý úshin avtomattandyrylǵan mehanızmderdi qoldanýǵa nıetti.
Eger paıdalanýshy "Twitter erejelerin birneshe ret buzýdy jalǵastyrsa, biz akkaýntty ýaqytsha buǵattaı alamyz", - dep habarlaıdy áleýmettik jeli.
Foto ashyq derekkózden alyndy
“Adyrna” ulttyq portaly
