ەلوردادا لينگۆيستەردى دايارلاۋدىڭ جولدارى تالقىلاندى

908

ەلوردادا ءتىل ءبىلىمى ماماندارى مەن جۇمىس بەرۋشىلەر كونسۋلتاتيۆتى كەڭەستە جينالىپ، قوستىلدى ءبىلىم بەرۋدى دامىتۋدىڭ جولدارىن تالقىلادى دەپ حابارلايدى «ادىرنا» ۇلتتىق پورتالى ۋنيۆەرسيتەتتىڭ ءباسپاسوز قىزمەتىنە سىلتەمە جاساپ. ۇيىمداستىرۋشىلاردىڭ ايتۋىنشا، قازاقستانداقازاق-اعىلشىن تىلدەرىن بىردەي دەڭگەيدە بىلەتىن كاسىبي لينگۆيستەردىڭ جوقتىعى -وزەكتى ماسەلەلەردىڭ ءبىرى.

كەزدەسۋ بارىسىندا قازاق ءتىلىن حالىقارالىق قاتىناستاردا قولدانۋدىڭ جولدارى مەن«قازاق-اعىلشىن ءتىلى جانە لينگۆيستيكا» باعدارلاماسىنىڭ تراەكتورياسى تالقىلاندى. اتالعان باعدارلاما قازاق جانە اعىلشىن تىلدەرى بويىنشا قوستىلدى مامانداردى دايارلاۋعا باعىتتالعان.

«قازاقستاندىق جوعارى وقۋ ورىندارىنىڭ اراسىندا العاشقى بولىپ«قازاق-اعىلشىن ءتىلى جانە لينگۆيستيكا» باعدارلاماسى بويىنشا مامانداردى دايارلاۋدى ءبىزدىڭ ۋنيۆەرسيتەت باستادى. ءبىز ستۋدەنتتەرگە اعىلشىن ءتىلىن باسىنان باستاپ ۇيرەتەمىز. قازاق جانە اعىلشىن ءتىلدى جوعارى كاسىبي لينگۆيستەردى دايارلاپ، ستۋدەنتتەردى قازاق تىلىنەن اعىلشىن تىلىنە، اعىلشىن تىلىنەن قازاق تىلىنە تىكەلەي اۋدارۋعا ۇيرەتەمىز. سونداي-اق باعدارلاما تۇلەكتەرى مەديا سالاسىندا دا جۇمىس ىستەي الادى»، - دەيدى «قازاق-اعىلشىن ءتىلى جانە لينگۆيستيكا»  باعدارلاماسىنىڭ جەتەكشىسى اقەركەساليموۆا.

جيىنعا ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ باسشىسى، ۇلتتىق تەستىلەۋ ورتالىعى، «ءتىل-قازىنا» ۇلتتىق عىلىمي-پراكتيكالىق ورتالىعى، «ەگەمەن قازاقستان» گازەتى، مەملەكەتتىك ءتىلدى دامىتۋ قورى سىندى بىرقاتار كومپانيالاردىڭ وكىلدەرى قاتىستى.

كازگيۋ ۋنيۆەرسيتەتىنىڭ كونسۋلتاتيۆتىك كەڭەسىندەسەرىكتەستەر ستۋدەنتتەردىڭ ءىس-تاجىريبەدەن ءوتۋ مۇمكىندىكتەرى مەن باعدارلامانىڭ ەڭبەك نارىعىنداعى قاجەتتىلىگىن اتاپ ءوتتى. قاتىسۋشىلار "مەديالينگۆيستيكا", ء"تىل جانە اۋدارما"ماينورلارىنىڭ بىرەگەيلىگىن كورسەتەتىن جاڭا پاندەردى ەنگىزۋدى ۇسىندى.

 

پىكىرلەر
رەداكتسيا تاڭداۋى