VI كەزەكتى «التىن ساقا» ماتەماتيكالىق وليمپياداسى وتەدى

5518
Adyrna.kz Telegram

 نۇر-سۇلتان قالاسىندا «زەردەلى» اقىل-وي دامىتۋ ورتالىعىنىڭ ۇيىمداستىرۋىمەن VI كەزەكتى «التىن ساقا» ماتەماتيكالىق ونلاين وليمپياداسى وتەدى، دەپ حابارلايدى “ادىرنا” ۇلتتىق پورتالى zerdeli.kz-كە سىلتەمە جاساپ.

جىل سايىنعى داستۇرگە اينالعان وليمپيادا بيىل Astana hub كەشەنىندە ورنالاسقان سوڭعى تەحنولوگيالارمەن جابدىقتالعان زاماناۋي ستۋديادا ونلاين رەجيمدە وتەتىن بولادى.

بۇل جولعى «اسلتىن ساقا» «استانا دارىنى» دارىندىلىقتى دامىتۋ جانە پسيحلوگيالىق سۇيەمەلدەۋ ورتالىعىمەن بىرلەسىپ وتكىزىلمەك.

قالالىق دەڭگەيدە وتەتىن ءبىلىم سايىسىنا نۇر-سۇلتان قالاسى ءبىلىم بەرۋ مەكەمەلەرىنىڭ 5-6 سىنىپ وقۋشىلارىنان ىرىكتەلگەن 500 ءبۇلدىرشىن قاتىسادى.

سايىس بارىسىندا وقۋشىلار بەلگىلەنگەن ۋاقىت ىشىندە 30 سۇراققا جاۋاپ بەرۋى ءتيىس. جۇلدەگەرلەر ونلاين رەجيمدە ارنايى جۇيە بويىنشا باعالانىپ، قارجىلاي ماراپاتتالادى.

جەڭىمپازدارعا دەمەۋشىلەر كومەگىمەن جالپى قورى 1 ميلليون تەڭگەنى قۇرايتىن قارجىلاي سىيلىق بەرىلەتىن بولادى.

وليمپيادا جوعارى دەڭگەيدە ءوتۋى ءۇشىن «زەردەلى» اقىل-ويدى دامىتۋ ورتالىعىنىڭ Astana hub كەشەنىندە ورنالاسقان مەديا ورتالىعىندا سوڭعى تەحنولوگيامەن جابدىقتالعان زاماناۋي ستۋديا جاساقتالعان. بارىستىڭ ءادىل دە،  اشىق ءوتۋى ءۇشىن 30-دان استام ۇيلەستىرۋشى مامان ۇيىمداستىرىلىپ وتىر.

ونلاين رەجيمدە وتەتىن وليمپيادانىڭ جۇلدەگەرلەرى ءادىل تاڭدالۋى ءۇشىن جەڭىمپازدار تىكەلەي ەفيردە ءوز جاۋابىن دالەلدەيتىن بولادى.

ەستەرىڭىزگە سالا كەتسەك، بالالاردىڭ ينتەللەكتۋالدىق دەڭگەيىن كوتەرۋ ماقساتىندا ۇيىمداستىرىلاتىن «التىن ساقا» ماتەماتيكالىق وليمپياداسى وسىعان دەيىن 5 رەت ۇيىمداستىرلعان بولاتىن.

پىكىرلەر