Nūr-Sūltan qalasynda «Zerdelı» aqyl-oi damytu ortalyǧynyŋ ūiymdastyruymen VI kezektı «Altyn saqa» matematikalyq onlain olimpiadasy ötedı, dep habarlaidy “Adyrna” ūlttyq portaly zerdeli.kz-ke sılteme jasap.
Jyl saiynǧy dästürge ainalǧan olimpiada biyl Astana hub keşenınde ornalasqan soŋǧy tehnologiialarmen jabdyqtalǧan zamanaui studiiada onlain rejimde ötetın bolady.
Būl jolǧy «Asltyn saqa» «Astana daryny» daryndylyqty damytu jäne psihlogiialyq süiemeldeu ortalyǧymen bırlesıp ötkızılmek.
Qalalyq deŋgeide ötetın bılım saiysyna Nūr-Sūltan qalasy bılım beru mekemelerınıŋ 5-6 synyp oquşylarynan ırıktelgen 500 büldırşın qatysady.
Saiys barysynda oquşylar belgılengen uaqyt ışınde 30 sūraqqa jauap beruı tiıs. Jüldegerler onlain rejimde arnaiy jüie boiynşa baǧalanyp, qarjylai marapattalady.
Jeŋımpazdarǧa demeuşıler kömegımen jalpy qory 1 million teŋgenı qūraityn qarjylai syilyq berıletın bolady.
Olimpiada joǧary deŋgeide ötuı üşın «Zerdelı» aqyl-oidy damytu ortalyǧynyŋ Astana hub keşenınde ornalasqan media ortalyǧynda soŋǧy tehnologiiamen jabdyqtalǧan zamanaui studiia jasaqtalǧan. Barystyŋ ädıl de, aşyq ötuı üşın 30-dan astam üilestıruşı maman ūiymdastyrylyp otyr.
Onlain rejimde ötetın olimpiadanyŋ jüldegerlerı ädıl taŋdaluy üşın jeŋımpazdar tıkelei efirde öz jauabyn däleldeitın bolady.
Esterıŋızge sala ketsek, balalardyŋ intellektualdyq deŋgeiın köteru maqsatynda ūiymdastyrylatyn «Altyn saqa» matematikalyq olimpiadasy osyǧan deiın 5 ret ūiymdastyrlǧan bolatyn.
