قازاقستاننان گۋمانيتارلىق كومەك رەتىندە جىبەرىلگەن مەديتسينالىق بۇيىمدار مەن جابدىقتار بۇگىن بىشكەككە جەتكىزىلدى،دەپ حابارلايدى «ادىرنا» ۇلتتىق پورتالى يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.
ونىڭ قۇرامىندا «تىنىس» اق-دا وندىرىلگەن «كوكشەتاۋ-4پ» وكپەنى جاساندى جەلدەتۋ ءموبيلدى اپپاراتتارىنىڭ 400 داناسى جانە الماتىداعى «Dolce pharm» جشس جانە جامبىل وبلىسىندا ورنالاسقان «Mega pharm» جشس شىعارعان 2 ملن. مەديتسينالىق بەتپەردە بار.
گۋمانيتارلىق كومەك قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاپسىرماسىنا ساي كورسەتىلدى.
جىبەرىلگەن گۋمانيتارلىق جۇكتىڭ جالپى قۇنى 400 ملن. تەڭگەگە جۋىق. قر ۇكىمەتىنىڭ قاۋلىسىنا سايكەس اكتسيانى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى ۇيىمداستىردى. جۇكتى قىرعىزستان دەنساۋلىق ساقتاۋ مينيسترلىگىنىڭ ماماندارى قابىلداپ الدى.
«ادىرنا» ۇلتتىق پورتالى
