«ادىرنا» اقپاراتتىق اگەنتتىگى وقىرماندارعا قىزىعىراق بولار دەگەن ويمەن اقتوبە وبلىسىنىڭ تىنىس-تىرشىلىگى تۋرالى سۇحباتتار مەن ماقالالار سەرياسىن ۇيىمداستىرۋدى قولعا العان ەدى. ەندەشە وبلىستىڭ قورشاعان ورتاعا قامقورلىعى تۋراسىنداعى پورتال تىلشىلەرىنىڭ اقتوبە وبلىسىنىڭ اكىمى ورازالين وڭداسىن سەيىلۇلىنان العان مالىمدەمەسىن نازارلارىڭىزعا ۇسىنامىز.
وبلىستىڭ ەلدى مەكەندەرىنىڭ نەگىزگى پروبلەماسى قاتتى تۇرمىستىق قالدىقتاردىڭ پايدا بولۋى مەن جيناقتالۋىنىڭ ءوسۋى بولىپ تابىلادى. كوپتەگەن ەلدى مەكەندەردە قتق جيناۋدىڭ، سۇرىپتاۋدىڭ جانە اكەتۋدىڭ جونگە سالىنباعان جۇيەسى، پوليگونداردىڭ جەتكىلىكسىز سانى، ازاماتتاردىڭ ءبىر بولىگىنىڭ ساناسىنىڭ تومەندىگى سۇراپىل ۇيىندىلەر تۋىنداۋىنا اكەپ سوقتى. «قازاقستان عارىش ساپارى» ۇك اق اقتوبە قالاسىنداعى جەردى قاشىقتىقتان باقىلاۋ ارقىلى جانە ودان 50 كم قاشىقتىقتا جۇرگىزىلگەن مونيتورينگ ناتيجەسىندە 600-دەن استام ستيحيالىق قوقىس ورىندارى انىقتالدى.
اعىمداعى جىلى ەكولوگيا، گەولوگيا جانە تابيعي رەسۋرستار مينيسترلىگىنىڭ تاپسىرماسى بويىنشا 617 قوقىس ورنىن جويۋ كەستەسى جاسالىندى جانە بەكىتىلدى. جەرگىلىكتى اتقارۋشى ورگاندارىمەن زاڭسىز ورنالاسقان قالدىقتاردى جويۋ كەستەگە سايكەس 617 جەر ۋچاسكەسى انىقتالعان بولسا، قازىرگى تاڭدا جويىلعانى:
اقتوبە قالاسى -419, جويىلعانى – 361
العا اۋدانى- 114, جويىلعانى-114
مارتوك اۋدانى- 35, جويىلعانى 35
حرومتاۋ اۋدانى- 24, جويىلعانى -24
قارعالى اۋدانى- 25, جويىلعانى 25
وبلىس بويىنشا 12 قاتتى تۇرمىستىق قالدىقتار پوليگونى بار، ولاردىڭ 5 كوممۋنالدىق (اقتوبە ق.، العا، شالقار، حرومتاۋ جانە كەڭقياق پ.), قالعاندارى جەكە مەنشىك، نەگىزىنەن مۇنايشىلار كەنتتەرىنە قىزمەت كورسەتەدى. سوڭعى كوممۋنالدىق پوليگون 2015 جىلى حرومتاۋ قالاسىندا سالىندى جانە 5 جىلدان استام ۋاقىت بويى پوليگون قۇرىلىسىنا قاراجات بولىنگەن جوق. پوليگونداردىڭ جەتىسپەۋشىلىگى پروبلەماسىن شەشۋ ءۇشىن الداعى ءۇش جىلعا قارجىلاندىرۋدىڭ وسىنداي سحەماسى جوسپارلانعان:
اعىمداعى جىلى مارتوك، قوبدا، قاراۋىلكەلدى اۋدان ورتالىقتارىندا ءۇش پوليگون قۇرىلىسىن باستاۋعا قاراجات ءبولىندى. 2021 جىلى وسى پوليگونداردىڭ قۇرىلىسى اياقتالادى جانە سونىمەن بىرگە بادامشا جانە شۇبارقۇدىق پوليگوندارىنا جوبالىق سمەتالىق قۇجاتتار جانە ويىل، ىرعىز، كومسومول جانە قارابۇتاق اۋىلدارىندا 4 تەحنيكالىق ەكونوميكالىق نەگىزدەمەلەر ازىرلەۋ جوسپارلانعان.
2022 جىلى قولدا بار جوبالىق سمەتالىق قۇجاتتار (بادامشا، شۇبارقۇدىق اۋىلدارىندا) جانە قولدا بار تەحنيكالىق ەكونوميكالىق نەگىزدەمەلەر (ويىل، ىرعىز، كومسومول جانە قارابۇتاق) بويىنشا جۇمىس جوبالارىن ازىرلەۋ باستالادى.
2023 جىلى ويىل، ىرعىز، كومسومول جانە قارابۇتاق اۋىلدارىندا 4 پوليگون سالىنادى. وسىلايشا، الداعى جىلدارى قالعان اۋدان ورتالىقتارىن قاتتى تۇرمىستىق قالدىقتار پوليگوندارىمەن قامتاماسىز ەتۋ جوسپارلانۋدا. ءاربىر ەلدى مەكەندە پوليگون سالۋ ماقساتىنا سايكەس كەلمەيدى. پوليگونداردا قاتتى تۇرمىستىق قالدىقتاردىڭ كادەگە جاراتۋ كومپونەنتتەرىن (پلاستيك، ماكۋلاتۋرا، شىنى جانە ت.ب.) كومۋگە تىيىم سالۋ تۋرالى ەكولوگيالىق زاڭنامانىڭ تالاپتارىن ەسكەرە وتىرىپ) سۇرىپتالعان فراكتسيالاردى جيناقتاۋ، قايتا تيەۋ جانە ولاردى ودان ءارى وڭدەۋگە سۇيەمەلدەۋ جونىندە «حابتار» ورتالىقتارىن قۇرۋ قاجەت. بۇل جۇمىس كەلەسى جىلى وبلىستىق ءماسليحاتتىڭ 2018 جىلعى ناۋرىزداعى شەشىمىمەن بەكىتىلگەن 2018-2025 جىلدارعا ارنالعان قورشاعان ورتا ساپاسىنىڭ نىسانالى كورسەتكىشتەرىن ورىنداۋ جانە تۇزەتۋ مونيتورينگى شەڭبەرىندە اتقارىلاتىن بولادى. بارلىق فاكتورلاردى حالىقتىڭ سانىن، تۇزىلەتىن قاتتى تۇرمىستىق قالدىقتار كولەمىن، كولىك ايرىقتارىن ەسكەرە وتىرىپ، پوليگوندار قاجەت ەلدى مەكەندەر ايقىندالاتىن بولادى.
2017 جىلدان باستاپ اقتوبە قالاسىندا قوقىس سۇرىپتاۋ كەشەنى جۇمىس جاساۋدا. وتكەن جىلى كەشەننىڭ يەسى اۋىستى. بۇگىنگى كۇنى قوقىستى سۇرىپتاۋ كەشەنى قالالىق پوليگونعا كەلىپ تۇسەتىن قالدىقتاردان 20% - عا دەيىن كادەگە جاراتۋ كومپونەنتتەرىن الادى. قالالىق پوليگون «NEO PLUS» جشس سەنىمدى باسقارۋىندا، ول سونداي-اق قالا اۋماعىنىڭ باسىم بولىگىندە قاتتى تۇرمىستىق قالدىقتاردى جيناۋمەن جانە شىعارۋمەن اينالىسادى. سەرىكتەستىك بولەك جيناۋ ءۇشىن 195 كونتەينەر ورناتتى، ونىڭ ىشىندە:
- شىنى جانە شىنى سىنىقتارى ءۇشىن – 10 بىرلىك;
-پلاستماسسا، پلاستيك، پوليەتيلەن قالدىقتارى جانە پوليەتيلەنتەرەفتالاتتى قاپتاما ءۇشىن – 160 بىرلىك;
- ماكۋلاتۋرا، كارتون جانە قاعاز قالدىقتارى ءۇشىن – 25 بىرلىك.
وتكەن جىلدان باستاپ قالادا قايتالاما شيكىزاتتى قابىلداۋدىڭ 5 پۋنكتى اشىلدى، ونىڭ ىشىندە ءبىر پۋنكت «NEO PLUS» جشس اشىلدى، قالعاندارى «سىرەۆوي رەسۋرس» جشس، تاعى وسىنداي 20 قابىلداۋ پۋنكتىن ورناتۋعا نيەت بار. سونىمەن قاتار، قابىلدانعان شارالاردىڭ جەتكىلىكسىز ەكەنىن تۇسىنە وتىرىپ، اقتوبە قالاسىندا قاتتى تۇرمىستىق قالدىقتاردى بولەك جيناۋ مەن سۇرىپتاۋدى ەنگىزۋ جونىندەگى پيلوتتىق جوبانى ىسكە اسىرۋ بويىنشا «وندىرۋشىلەردىڭ كەڭەيتىلگەن مىندەتتەمەلەرىنىڭ وپەراتورى» جشس جانە ەكولوگيا، گەولوگيا جانە تابيعي رەسۋرستار مينيسترلىگىمەن ىنتىماقتاستىق جولعا قويىلدى. وسى جوبا اياسىندا تاعى ءبىر سۇرىپتاۋ جەلىسىن، پلاستيكالىق قالدىقتار مەن اينەكتى بولەك جيناۋعا ارنالعان 962 كونتەينەردى، 10 بىرلىك ارنايى تەحنيكانى جەتكىزۋ جوسپارلانعان. سونىمەن قاتار، اتالعان جوبانى ىسكە اسىرۋ شارتتارىنىڭ ءبىرى قالا اكىمدىگىنىڭ كونتەينەرلىك الاڭداردى ءتيىستى تۇرگە كەلتىرۋگە جانە قاتتى تۇرمىستىق قالدىقتار بولەك جيناۋدى ناسيحاتتاۋ بويىنشا اۋقىمدى جۇمىستى بۇقارالىق اقپاراتتار قۇرالدارى ورىستەتۋگە قاراجات ءبولۋ بولىپ تابىلادى. تاعى ءبىر جۇمىس باعىتى – وبلىستىڭ بىرقاتار اۋداندارى ءۇشىن كوممۋنالدىق قالدىقتاردىڭ ءتۇزىلۋ جانە جيناقتالۋ نورمالارىن ازىرلەۋ.
قازىرگى ۋاقىتتا اقتوبە وبلىسىندا كوممۋنالدىق قالدىقتاردىڭ ءتۇزىلۋ جانە جيناقتالۋ نورمالارى تەك اقتوبە قالاسى، ىرعىز، شالقار، بايعانين اۋداندارى ءۇشىن ازىرلەنگەن، قالعان اۋداندار بويىنشا نورمالار جوق.
اقتوبە وبلىسىنىڭ اۋداندارى ءۇشىن كوممۋنالدىق قالدىقتاردىڭ ءتۇزىلۋ جانە جيناقتالۋ نورمالارى قر ەكولوگيالىق كودەكسىنە سايكەس ازىرلەنەدى (20-ب.8-1-ت.). كوممۋنالدىق قالدىقتاردىڭ ءتۇزىلۋ جانە جيناقتالۋ نورمالارىن ەسەپتەۋ قاعيدالارى اقتوبە وبلىسى اكىمدىگىنىڭ 2015 جىلعى 3 ناۋرىزداعى №77 قاۋلىسىمەن بەكىتىلدى. كوممۋنالدىق قالدىقتاردىڭ ءتۇزىلۋ جانە جيناقتالۋ نورمالارىن ازىرلەۋ كەيىننەن جەكە جانە زاڭدى تۇلعالاردان ەلدى مەكەندەر بويىنشا كوممۋنالدىق قالدىقتاردى جيناۋعا جانە اكەتۋگە تاريفتەر جاساۋ كەزىندە نەگىز بولادى. اتالعان شارالار ستيحيالىق قوقىستاردىڭ پايدا بولۋ جاعدايلارىن ازايتۋعا، تقق سۇرىپتاۋ مەن قايتا وڭدەۋدىڭ كولەمىن ارتتىرۋعا مۇمكىندىك بەرەدى جانە سونىڭ سالدارىنان پوليگوندارعا جۇكتەمە ازايادى.
«ادىرنا» ۇلتتىق پورتالى
