«ادىرنا» اقپاراتتىق اگەنتتىگى وقىرماندارعا قىزىعىراق بولار دەگەن ويمەن اقتوبە وبلىسىنىڭ تىنىس-تىرشىلىگى تۋرالى سۇحباتتار مەن ماقالالار سەرياسىن ۇيىمداستىرۋدى قولعا العان ەدى. ەندەشە وبلىستىڭ قر پرەزيدەنتىنىڭ جولداۋىنداعى مىندەتتەردى ىسكە اسىرۋ بەلسەندىلىگى تۋراسىنداعى پورتال تىلشىلەرىنىڭ اقتوبە وبلىسىنىڭ اكىمى ورازالين وڭداسىن سەيىلۇلىنان العان مالىمدەمەسىن نازارلارىڭىزعا ۇسىنامىز.
قر پرەزيدەنتى ق.ك. توقاەۆتىڭ «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىن ورىنداۋ ماقساتىندا، جولداۋدىڭ نەگىزگى 11 باعىتى بويىنشا اقتوبە وبلىسىندا ناقتى جۇمىستار اتقارىلۋدا.
پرەزيدەنت جولداۋىنان تۋىندايتىن بارلىق مىندەتتەردى جۇزەگە اسىرۋ ماقساتىندا وڭىرلىك ءىس-شارالار جوسپارى دايىندالىپ، بارلىق ءتيىستى جۇمىستاردى ۋاقتىلى جانە ساپالى اتقارۋعا كۇش سالىنادى. بۇل رەتتە وبلىس اكىمىنىڭ ورىنباسارلارى مەن بارلىق باسقارما باسشىلارىنا، اقتوبە قالاسى مەن اۋداندار اكىمدەرىنە ناقتى تاپسىرمالار جۇكتەلدى. جولداۋدى حالىققا كەڭىنەن ءتۇسىندىرۋ ماقساتىنداعى ءىس-شارالار بويىنشا ماتەريالدار بۇقارالىق اقپارات قۇرالدارىندا (تەلەارنالاردا جانە گازەتتەردە), سونىمەن بىرگە الەۋمەتتىك جەلىلەردە كەڭىنەن جاريالانۋدا. سونىمەن قاتار، وبلىستىق تەلەارنالاردا «جولداۋ»، «پوسلانيە» جانە وبلىستىق جانە اۋداندىق گازەت بەتتەرىندە «جولداۋ»، «قر پرەزيدەنتىنىڭ جولداۋى 2020»، «پوسلانيە»، «زا ستروكوي پوسلانيا» اتتى ايدارلارمەن جاريالانىپ كەلەدى. وبلىستا قوعامدىق مۇددەلەردى قالىپتاستىرۋدا بەلگىلى ءرول اتقاراتىن 6 ساياسي پارتيا فيليالدارى، 100 دەن استام ۇكىمەتتىك ەمەس ۇيىمدار، 10 سالالىق كاسىپوداق، 17 ەتنومادەني ورتالىقتار بار. جالپى قوعامدىق ساياسي جاعدايلاردا تۇراقتىلىقتى نىعايتۋ جانە ماڭىزدى قۇجاتتاردى ءتۇسىندىرۋ، حالىق پەن جەرگىلىكتى بيلىك اراسىنداعى قاتىناستى قالىپتاستىرۋ جۇمىستارىن جۇيەلى جۇرگىزۋدىڭ نەگىزگى باعىتتارى ول يدەولوگيالىق جۇمىستار. يدەولوگيالىق جۇمىستى جۇرگىزۋدە اقپاراتتىق توپتىڭ ءرولى زور. اقتوبە وبلىسىندا وسى باعىتتا زيالى قاۋىم وكىلدەرىنەن، لەكتورلار مەن عالىمداردان قۇرالعان اقپاراتتىق-ناسيحاتتىق توپ تۇرعىندارمەن كەزدەسىپ، مەملەكەتتىك ساياساتتى جانە باعدارلامالاردى ءتۇسىندىرۋ جۇمىستارىن جۇرگىزەدى. الايدا، ەلىمىزدە ورىن العان كارانتيندىك جاعدايعا وراي، اعىمداعى جىلى اقپاراتتىق-ناسيحاتتىق توپتىڭ جۇمىسىنىڭ فورماتى وزگەرتىلدى. قوعامدىق تۇراقتىلىق قاشاندا تاتۋلىقپەن تىكەلەي بايلانىستى. ەتنوسارالىق قارىم-قاتىناس، شيەلەنىستىڭ الدىن الۋ ماقساتىندا وبلىستا ىشكى ساياسات جانىنداعى قوعامدىق كەڭەس، قازاقستان حالقى اسسامبلەياسى، قوعامدىق كەلىسىم كەڭەسى جانە قوعامدىق ينستيتۋتتار بىرلەسكەن تۇردە جۇمىستى ۇيلەستىرىپ وتىرادى. سونىمەن قاتار، ۇكىمەتتىك ەمەس ۇيىمداردىڭ ىنتىماقتاستىعىن دامىتۋ ماقساتىندا، تۇرعىنداردىڭ الەۋمەتتىك ماسەلەلەرىن شەشۋگە ۇكىمەتتىك ەمەس ۇيىمداردى تارتۋ ءۇشىن جەرگىلىكتى مەملەكەتتىك مەكەمەلەر ارقىلى الەۋمەتتىك تاپسىرىس جۇمىستارى قالىپتاستىرلىپ، جۇمىستار ءوز ناتيجەسىن بەرۋدە. باستاماشىل ازاماتتىق بەلسەندى ازاماتتارمەن كوتەرىلىپ جۇرگەن ماسەلەلەرى بويىنشا كەزدەسۋلەر وتكىزىلىپ تۇرادى.
«ادىرنا» ۇلتتىق پورتالى
