«Adyrna» aqparattyq agenttigi oqyrmandarǵa qyzyǵyraq bolar degen oımen Aqtóbe oblysynyń tynys-tirshiligi týraly suhbattar men maqalalar serııasyn uıymdastyrýdy qolǵa alǵan edi. Endeshe oblystyń QR Prezıdentiniń Joldaýyndaǵy mindetterdi iske asyrý belsendiligi týrasyndaǵy portal tilshileriniń Aqtóbe oblysynyń ákimi Orazalın Ońdasyn Seıilulynan alǵan málimdemesin nazarlaryńyzǵa usynamyz.
QR Prezıdenti Q.K. Toqaevtyń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýyn oryndaý maqsatynda, Joldaýdyń negizgi 11 baǵyty boıynsha Aqtóbe oblysynda naqty jumystar atqarylýda.
Prezıdent Joldaýynan týyndaıtyn barlyq mindetterdi júzege asyrý maqsatynda óńirlik is-sharalar jospary daıyndalyp, barlyq tıisti jumystardy ýaqtyly jáne sapaly atqarýǵa kúsh salynady. Bul rette oblys ákiminiń orynbasarlary men barlyq basqarma basshylaryna, Aqtóbe qalasy men aýdandar ákimderine naqty tapsyrmalar júkteldi. Joldaýdy halyqqa keńinen túsindirý maqsatyndaǵy is-sharalar boıynsha materıaldar buqaralyq aqparat quraldarynda (telearnalarda jáne gazetterde), sonymen birge áleýmettik jelilerde keńinen jarııalanýda. Sonymen qatar, oblystyq telearnalarda «Joldaý», «Poslanıe» jáne oblystyq jáne aýdandyq gazet betterinde «Joldaý», «QR Prezıdentiniń Joldaýy 2020», «Poslanıe», «Za strokoı Poslanııa» atty aıdarlarmen jarııalanyp keledi. Oblysta qoǵamdyq múddelerdi qalyptastyrýda belgili ról atqaratyn 6 saıası partııa fılıaldary, 100 den astam úkimettik emes uıymdar, 10 salalyq kásipodaq, 17 etnomádenı ortalyqtar bar. Jalpy qoǵamdyq saıası jaǵdaılarda turaqtylyqty nyǵaıtý jáne mańyzdy qujattardy túsindirý, halyq pen jergilikti bılik arasyndaǵy qatynasty qalyptastyrý jumystaryn júıeli júrgizýdiń negizgi baǵyttary ol ıdeologııalyq jumystar. Ideologııalyq jumysty júrgizýde aqparattyq toptyń róli zor. Aqtóbe oblysynda osy baǵytta zııaly qaýym ókilderinen, lektorlar men ǵalymdardan quralǵan aqparattyq-nasıhattyq top turǵyndarmen kezdesip, memlekettik saıasatty jáne baǵdarlamalardy túsindirý jumystaryn júrgizedi. Alaıda, elimizde oryn alǵan karantındik jaǵdaıǵa oraı, aǵymdaǵy jyly aqparattyq-nasıhattyq toptyń jumysynyń formaty ózgertildi. Qoǵamdyq turaqtylyq qashanda tatýlyqpen tikeleı baılanysty. Etnosaralyq qarym-qatynas, shıelenistiń aldyn alý maqsatynda oblysta ishki saıasat janyndaǵy Qoǵamdyq keńes, Qazaqstan Halqy Assambleıasy, Qoǵamdyq kelisim keńesi jáne qoǵamdyq ınstıtýttar birlesken túrde jumysty úılestirip otyrady. Sonymen qatar, úkimettik emes uıymdardyń yntymaqtastyǵyn damytý maqsatynda, turǵyndardyń áleýmettik máselelerin sheshýge úkimettik emes uıymdardy tartý úshin jergilikti memlekettik mekemeler arqyly áleýmettik tapsyrys jumystary qalyptastyrlyp, jumystar óz nátıjesin berýde. Bastamashyl azamattyq belsendi azamattarmen kóterilip júrgen máseleleri boıynsha kezdesýler ótkizilip turady.
«Adyrna» ulttyq portaly
