اقتوبە وبلىسىنىڭ اكىمى وڭداسىن ءورازاليننىڭ توراعالىعىمەن وتكەن كەزەكتى اپپارات وتىرىسىندا وڭىردەگى مال قىستاتۋ كەزەڭىنە دايىندىقتىڭ بارىسى، پايدانىلماي جاتقان جەرلەردى اينالىمعا تارتۋ ماسەلەلەرى قارالدى. جيىنعا وبلىس اكىمىنىڭ ورىنباسارلارى، ۆيدەوبايلانىس ارقىلى قالا، اۋدان اكىمدەرى قاتىستى. اۋىل شارۋاشىلىعى باسقارماسىنىڭ باسشىسى قۇسايىن سارسەمبايدىڭ مالىمەتىنشە، اقتوبە وبلىسى بويىنشا 2020-2021 جج. مال قىستاتۋ كەزەڭىنە ازىق قورى جەتكىلىكتى مولشەردە دايىندالعان. بۇل ءۇشىن وبلىس اكىمى وڭداسىن ءورازاليننىڭ قولداۋىمەن 3,4 ملرد. تەڭگە قارجى بولىنگەن. سونداي-اق، ايماق باسشىسىنىڭ 1,5 جىلدىق مال ازىعىنىڭ قورىن، ياعني 2 365,1 مىڭ تن ءشوپ دايىنداۋ تاپسىرماسىنا سايكەس، اۋىل شارۋاشىلىق قۇرىلىمدارى تاراپىنان 2550,3 مىڭ تن. ءشوپ، 2,5 مىڭ تن. پىشەندەمە، 20,1 مىڭ تن. سۇرلەم مەن 10,1 تن سابان ازىرلەنگەن. دايىندالعان ءشوپتىڭ 1 554,1 مىڭ تن-سى مال قىستاقتارىنا، 996,2 مىڭ تن-سى تۇرعىندارعا تاسىلىپ الىنىپ، 39 559 اۋلانى تابيعي شوپپەن قامتاماسىز ەتتى. مال قىستاتۋ ناۋقانىنا قاجەت ەتىلەتىن ءشوپ كولەمى 1 683,1 مىڭ تن. بولسا، قازىرگى كەزدە مال ازىعىمەن قامتاماسىز ەتۋ كورسەتكىشى 2 601 مىڭ تن. نەمەسە 152 %-دى قۇرايدى. سونداي-اق، اقتوبە وڭىرىندە ءتورت تۇلىك مال سانى ارتقان. قازىرگى تاڭدا وبلىستا ىقم سانى 527 208 باستى قۇرايدى. 1 355 284 باس قوي- ەشكى، 155 500 باس جىلقى، 19 341 باس تۇيە، 1 339 641 قۇس بار. وتكەن جىلمەن سالىستىرعاندا مىق 106,9%-عا، قوي-ەشكى- 103,9%-عا، جىلقى-115,5%-عا، تۇيە-110,5%-عا ارتقان.وسى ورايدا وبلىس اكىمىنىڭ ورىنباسارى امانعالي بەردالين كەيبىر اۋدانداردا مال سويۋ الاڭدارىنىڭ تالاپقا ساي كەلمەيتىندىگىن اتاپ ءوتتى. العا، بايعانين، مۇعالجار اۋداندارىندا زامان تالابىنا ساي مال سويۋ الاڭدارىن سالۋ قاجەتتىگى ايتىلدى. «مال قىستاتۋ بارىسىندا ەرەكشە كوڭىل بولەتىن جاعداي-ول مال تولدەتۋ ناۋقانىنا بارىنشا دايىن بولۋ. قولداعى مالدىڭ قوڭى مەن كۇيىن جوعالتپاي، ءتول كۇتىلىپ وتىرعان ءاربىر مالدىڭ جىلى قورا، قاجەتتى سۋ مەن جەم-ءشوپتىڭ جەتكىلىكتى كولەمدە بەرىلۋى ەرتەڭگى كۇتىلەتىن ءتولدىڭ بەرىك نەگىزى ەكەندىگىن ەستەن شىعارماۋ قاجەت، سوندىقتان اۋدان باسشىلارى شارۋالارمەن بىرلەسە وتىرىپ، مال قىستاتۋ كەزەڭىندە ءاربىر شارۋاشىلىقپەن قارىم-قاتىناستىڭ بولۋىن باقىلاڭدار. شالعاي شارۋاشىلىقتاردىڭ جول قاتىناستارى مەن بايلانىس جۇيەلەرىنىڭ قالىپتى بولۋىن قاداعالاپ، ازىق-تۇلىك، جانار-جاعار ماي كولەمىنىڭ جەتكىلىكتى مولشەردە ەكەنىن نازاردا ۇستاۋى قاجەت»،-دەدى وڭداسىن ورازالين. اقتوبە وبلىسىندا جەردىڭ پايدالانىلۋى مەن قورعالۋىن باقىلاۋ جونىندەگى باسقارماسىنىڭ باسشىسى ابدۋحات مىرزالين جەر ۋچاسكەلەرىن نىسانالى ماقساتقا ساي پايدالانىلماي وتىرعان مەنشىك يەلەرى جانە جەر پايدالانۋشىلارىمەن اۋقىمدى جۇمىستاردىڭ جاسالىپ جاتقاندىعىن باياندادى.
