جەمقورلىقتىڭ ەسكەرتكىشىنە اينالعان، قۇنى 2 ملرد. دوللارلىق «لرت» جوباسىن جوسپارلاۋعا جەتكەن ۇكىمەتتىڭ اقىلى، نەگە اۋىلعا كەرەك شاعىن، قولجەتىمدى سپورت زالدارى مەن الاڭدارىن سالۋعا جەتپەيدى؟ وسىنداي ساۋالمەن «اق جول» پارتياسىنىڭ دەپۋتاتتارى پرەمەر مينيسترگە ارنايى ساۋال جولدادى دەپ حابارلايدى «ادىرنا» ۇلتتىق پورتالى پارتيانىڭ ءباسپاسوز قىزمەتىنە سىلتەمە جاساپ.
ەلىمىزدە سوڭعى جيىرما جىلدا تۇرعىلىقتى مەكەن-جايىن تاستاپ كوشكەندەردىڭ سانى كۇرت ءوستى. ستاتيستيكا كوميتەتىنىڭ ەسەبىنە جۇگىنسەك، وتكەن جىلدىڭ ءبىرىنشى جارتىسىندا 500 000-نان اسا قازاقستان ازاماتى ەل ىشىندە قونىس اۋدارعان.
وسىنىڭ ناتيجەسىندە قازاقستان قالالارىندا حالىق كوپ شوعىرلانعان اگلومەراتسيالار مەن جاڭا اۋىلدار پايدا بولۋدا. مىسالى، سوڭعى 10 جىلدا شىمكەنت قالاسىنىڭ ماڭىنا 500 مىڭنان اسا حالىق تابان تىرەسە، شىعىستا وسكەمەن قالاسىنىڭ بۇرىنعى ساياجايلارى قازىر 100 000-نان اساتىن تۇرعىندارى بار قالا ماڭىنداعى اۋىلدارعا اينالدى.
بۇل ۋربانيزاتسيا پروتسەسى ەلىمىزدىڭ بارلىق وبلىستارىنا ءتان. ساراپشىلاردىڭ پىكىرىنشە، ىشكى ميگراتسيا ارى قاراي وسەدى دەپ كۇتىلۋدە.
ەندى وسى ىشكى ميگراتسيا كوپتەگەن الەۋمەتتىك ماسەلەلەردى تۋعىزىپ وتىر.
وكىنىشكە قاراي، بۇل جاعداي ەل ىشىندە رەزونانس تۋدىرعان جانە قايعىلى وقيعا بولعان كەزدە عانا نازار اۋدارىلادى. وعان الماتى تۇبىندەگى «شاڭىراق» وقيعاسى – جەردى جاپپاي وزدىگىنەن باسىپ الۋ، تۇرعىزىلعان ۇيلەردى بۇزۋ وقيعالارى كۋا. ەكى كۇننىڭ بىرىندە توپتاسقان جاستاردىڭ توبەلەسكەنى، پىشاقتاسقانى تۋرالى اقپارات ەلىمىزدىڭ ءار ايماعىنان كەلىپ تۇسەدى، قانشاما جاستارىمىز بەيبىت زاماندا وسىنداي كەلەڭسىزدىكتىڭ قۇربانى بولىپ جاتىر. بۇل قىرشىننان قيىلعان جاس ومىرلەر قوعام نازارىنان تىس قالۋدا، ويتكەنى، بۇعان كەزەكتى ءبىر جۇلدىز اققان كەزدە عانا كوڭىل اۋدارىلاتىنى وكىنىشتى.
مىسالى، استانامىزدىڭ اينالاسىنداعى تۇرعىندارىنىڭ سانى 25 مىڭنان 80 مىڭعا دەيىن جەتەتىن جاڭا اۋىلداردا ءالى كۇنگە دەيىن جاستار بوس ۋاقىتىندا باس قوسۋ وتكىزەتىن، سپورتپەن شۇعىلداناتىن بىردە-ءبىر قاراپايىم سپورتزال نەمەسە مادەنيەت وشاعى سالىنباعان.
ال، جاس ورگانيزىمىنىڭ قان ويناپ، باسەكەگە ءتۇسىپ، كۇش پەن ارتىقشىلىقتى كورسەتۋبالالاردىڭ مىنەزى عانا ەمەس، تابيعاتزاندىلىعىنىڭوزى دە يتەرمەلەپ تۇر. جەڭىس پەن جەڭىلىستىڭ ءدامىن تاتپاعان، سپورتپەن شىنىقپاعان،تاربيەسى كەم بولعان ءجاسوسپىرىم رۋحاني دا فيزيكالىق تۇرعىدان ناشار،وزىنە سەنىمسىز،وسال بولادى. ءوزى سياقتىلاردان توپ قۇرىپ،قالتاسىنا پىشاق سالىپ، قىلمىسقا بارۋىنىڭ ءبىر سەبەبى دە وسى. قاراڭعىدا توپتالىپ كوشە كەزبەي، قۇرداستارىمەن بىرگە كوكپار تارتىپ، بوز كىلەمدە كۇرەسىپ، الاڭدا فۋتبول ويناپ، سپورتتىڭ اششى تەرىن تاتقان بوزبالا قولىنا پىشاق ۇستاپ قىلمىسكەر بولماس ەدى. ويتكەنى سپورت دەگەن – قارسىلاسىن قۇرمەتتەي ءبىلۋدى ۇيرەتەتىن تاربيە كوزى.
وسىنى ءبىزدىڭ الەۋمەتتىك جانە ءبىلىم بەرۋ سالاسى ۇمىتقان سياقتى.
الايدا، مۇنداي وقيعالاردىڭ ءوسۋىنىڭ ءوزى بارشامىزعا دابىل ەمەس پە؟ وسى ورايدا، بۇل پروبلەمامەن تەك قۇقىق قورعاۋ ورگاندارى عانا اينالىسىپ، ونىڭ شىن سەبەپتەرى كولەڭكەدە قالا بەرە مە؟
وسى ماسەلەلەرگە ىشكى ميگراتسيا تولقىنىنا ىلەسە الماي،ازاماتتارىمىزدىڭ الەۋمەتتىك سۇرانىسىنا دەر كەزىندە جاۋاپ بەرە الماي كەلە جاتقان جەرگىلىكتى اكىمشىلىكتەردەن باستاپ ۇكىمەتتىڭ نازارىن تاعى دا اۋدارعىمىز كەلەدى.
بۇگىندە نۇر-سۇلتان قالاسىنداعى جەمقورلىقتىڭ ەسكەرتكىشىنە اينالعان، قۇنى 2ملرد. دوللارلىق «لرت» جوباسىن جوسپارلاۋعا جەتكەن ۇكىمەتتىڭ اقىلى، نەگە اۋىلعا كەرەك شاعىن، قولجەتىمدى سپورت زالدارى مەن الاڭدارىن سالۋعا جەتپەيدى؟! نەمەسە، اقمولا وبلىسى شورتاندى قالاسىنداعى قۇنى 30 ملرد.كوپشىلىككەكەرەگى جوق، بۇگىندە قاڭىراپ بوس تۇرعانشاڭعى ءترامپليننىڭ ورنىنا قازاق بالاسىنا كەرەك، ۇلتتىق سپورتتى جانداندىراتىن جۇزدەگەن قىسقى جابىق ات مانەجدەرىن سالۋعا بولماسقا؟
ءبىزدىڭ ويىمىزشا، قالا ماڭىنداعى، اۋىلداردان كەلگەن جاستارعا قىمبات، قۇنى ملردتتان اساتىن سالتاناتتى سپورت سارايلارى ەمەس، قولجەتىمدى، تەگىن ىستەيتىن سپورت زالدار، مەكتەپتەردىڭ مۇمكىندىكتەرىن پايدالانۋعا جول اشۋىمىز كەرەك.
- نۇر-سۇلتان، الماتى، شىمكەنت اگلومەراتسيالارىنىڭ جانە وبلىس ورتالىقتارىن قورشاعان ءىرى ەلدى مەكەندەردىڭ دامۋ كونتسەپتسياسىن قايتا قاراۋدى;
- ۇلتتىق مۇددەنى ەسكەرىپ جانە جەرگىلىكتى تۇرعىندارمەن اقىلداسا وتىرىپ، ءار اۋىلدىحالىق سانىنا سايكەس قولجەتىمدى، پايدالانۋعا ىڭعايلى، قاراپايىم مادەني جانە سپورت وبەكتىلەرىمەن قامتاماسىز ەتۋدىڭ جاڭا باعدارلاماسىن قابىلداۋدى سۇرايمىز.
فوتو اشىق دەرەككوزدەن الىندى.
