قۋانىش جۇمابەكۇلى 1988 جىلدىڭ 24 جەلتوقسانىندا شقو ءۇرجار اۋدانى تاسكەسكەن اۋىلىندا دۇنيەگە كەلگەن.
1) (2000-2005 جج.) ە.راحماديەۆ اتىنداعى 5 جىلدىق ءۇرجار بالالار مۋزىكا مەكتەبىن «دومبىرا-تەنور» ماماندىعى بويىنشا بىتىرگەن.
2) 2006 جىلى شقو ءۇرجار اۋدانى ءۇرجار اۋىلىندا م.گوركي اتىنداعى ورتا مەكتەپتى تامامداعان.
3) 2006 ج. شقو بويىنشا وتكەن وبلىستىق «م.و.اۋەزوۆ جانە الەمدىك مادەنيەت» شىعارماشىلىق سايىسىندا مۇحتار اۋەزوۆ اتىنداعى سەمەي ۋنيۆەرسيتەتىنىڭ گرانتىن جەڭىپ العان. ۇلتتىق بىرىڭعاي تەستىلەۋ قورىتىندىسى بويىنشا تاعى دا گرانت يەگەرى اتانىپ، 2006 – 2010 جج. سەمەي مەملەكەتتىك پەداگوگيكالىق ينستيتۋتىندا «قازاق ءتىلى مەن ادەبيەتى» ماماندىعى بويىنشا ءبىلىم العان.
4) 2010 ج. مالايزيانىڭ كۋالا-لۋمپۋر قالاسىنداعى UCTİ ۋنيۆەرسيتەتىندە اعىلشىن ءتىلىن وقىعان.
5) (2010-2012 جج.) قاينار ۋنيۆەرسيتەتىن «شەت ءتىلى: ەكى شەت ءتىلى (اعىلشىن-تۇرىك)» ماماندىعى بويىنشا تامامداعان.
6) (2012-2014 جج.) شەت تىلدەر جانە ىسكەرلىك كارەرا ۋنيۆەرسيتەتىندە «شەت ءتىلى: ەكى شەت ءتىلى (اعىلشىن-تۇرىك)» ماماندىعى بويىنشا عىلىم ماگيسترى دارەجەسىن العان.
7) 2016-2018 جىلدار ارالىعىندا قازاق گۋمانيتارلىق-زاڭ يننوۆاتسيالىق ۋنيۆەرسيتەتىندە «قۇقىقتانۋ» ماماندىعى بويىنشا ءبىلىم العان.
8) «لينۆيستيكا» ماماندىعى بويىنشا فيلوسوفيا دوكتورى (PhD). 2019 ج. تۇركيانىڭ ومەر حاليسدەمير ۋنيۆەرسيتەتى «ەۋرازيا زەرتتەۋلەرى» ءبولىمى.
جەتىستىكتەرى:
1) 2006 ج. سەمەيدە وتكەن كوركەمسوز وقۋ شەبەرلەرىنىڭ ورالحان بوكەي اتىنداعى IX قالالىق بايقاۋىنىڭ III ورىن يەگەرى.
2) 2007 ج. سەمەيدە وتكەن كوركەمسوز وقۋ شەبەرلەرىنىڭ ورالحان بوكەي اتىنداعى X قالالىق بايقاۋىنىڭ II ورىن يەگەرى.
3) 2007 ج. پاۆلودار قالاسىندا وتكەن ءماشھۇر ءجۇسىپ كوپەەۆتىڭ 150 جىلدىعىنا ارنالعان رەسپۋبليكالىق ستۋدەنتتىك جاس اقىندار ءمۇشايراسىنىڭ III ورىن يەگەرى.
4) 2008 ج. وسەمەن قالاسىندا وتكەن ءماشھۇر ءجۇسىپ كوپەەۆكە ارنالعان رەسپۋبليكالىق تەرمەشىلەر سايىسىنىڭ «ارنايى جۇلدە» يەگەرى.
5) 2014 ج. تۇركيانىڭ مەملەكەتتىك حيتيت ۋنيۆەرسيتەتىندە شەتەلدىك عىلىمي تاعىلىمدامادان وتكەن.
6) 2015 ج. انكاراداعى «Bizim Büro» باسپاسىنان اعىلشىن تىلىندە «Let’s Learn to Speak English» اتتى كىتابى جارىق كورگەن. 3 بولىمنەن تۇراتىن كىتاپتا اعىلشىن ءتىلى گرامماتيكاسى قازاق تىلىندە تۇسىندىرىلگەن جانە قازاق ەرتەگىلەرى اعىلشىن تىلىنە اۋدارىلعان. سونىمەن قاتار، كىتاپتا امەريكاندىق اعىلشىن ءتىلىنىڭ سوزدىگى بەرىلگەن.
7) 2017 ج. «سەرپەر» مەملەكەتتىك جاستار سىيلىعىنىڭ يەگەرى، اقىن ەرجان جۇمابەكۇلىنىڭ «شەكسىزدىك شۇعىلاسى» اتتى كىتابىن تۇرىك تىلىنە اۋدارعان. اتالمىش كىتاپ تۇركيا رەسپۋبليكاسى «Medeniyetin Burçları» ۇيىمىنىڭ قولداۋىمەن «Sonsuzluk Şûlesi» دەگەن اتپەن ىستامبۇل قالاسى «Ezgi» باسپاسىنان جارىق كورگەن.
8) 2017 ج. اقىن، جازۋشى قۇل-كەرىم ەلەمەستىڭ «شىراعىم-اي» كىتابىن اعىلشىن تىلىنە اۋدارعان.
9) 2017 ج. تۇرىك دراماتۋرگى نەجىپ فازىل كىساكۇرەكتىڭ «رەيس مىرزا» اتتى كىتابىن قازاق تىلىنە اۋدارعان.
10) 2017 ج. قر پرەزيدەنتىنىڭ «100 جاڭا ەسىم» جوباسىنىڭ جەڭىمپازى.
11) 2018 ج. ءبىلىم جانە مادەنيەت سالاسىنداعى ۇزدىك قىزمەتكەرلەردىڭ «التىن كىتاپ» اتتى رەسپۋبليكالىق ەنتسيكلوپەديالىق جيناعىنا ەنگەنى ءۇشىن، ءبىلىم سالاسىنداعى جەتكەن ناتيجەلى جەتىستىكتەرى مەن ۇزدىك قىزمەتى ءۇشىن «ءبىلىم بەرۋدىڭ ۇزدىگى» توسبەلگىسىمەن ماراپاتتالعان.
12) 2018 ج. شقو ءۇرجار اۋدانىنىڭ 90 جىلدىعىنا ارنالعان مەرەكەلىك مەدالمەن ماراپاتتالعان.
13) 2018 ج. «قازاقشا-اعىلشىنشا سوزدىگى» سەمەيدەگى «زياتكەر» باسپاسىنان شىققان.
14) 2018 ج. قازاق ەرتەگىلەرىن اعىلشىن تىلىنە تəرجىمالاعان كىتابى «Sharp-witted child»، ياعني «تاپقىر بالا» دەگەن اتپەن سەمەيدە جارىق كورگەن.
15) 2019 جىلى قازاقستان حالقى اسسامبلەياسى توراعاسىنىڭ ورىنباسارى ج.تۇيمەباەۆتىڭ قايىرىمدىلىقتى، رۋحاني بىرلىكتى، دوستىق پەن ەتنوسارالىق ىنتىماقتاستىقتى نىعايتۋدىڭ گۋمانيستىك مۇراتتارىنا قوسقان بەلسەندى ەڭبەگى ءۇشىن قازاقستان حالقى اسسامبلەياسى العىس حاتىمەن ماراپاتتالعان.
16) 2019 جىلى «قوجالار قازاققا جاتادى» اتتى كىتابى الماتى قالاسىنداعى «ءۇش قيان» باسپاسىندا جارىق كورگەن.
17) 2020 جىلى قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ «بوران» دەسانتتىق-شابۋىلداۋشى مانەۆرلىك توبىنىڭ 20 جىلدىعىنا وراي گەنەرال-مايور ح.ي.بەركاليەۆتەن نامىس جانە ەرلىك مەرەكەلىك مەدالىمەن ماراپاتتالعان.
18) 2020 جىلدىڭ 29 مامىرىندا قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعا ورىنباسارى – شەكارا قىزمەتىنىڭ ديرەكتورى د.ءدىلمانوۆ تاراپىنان قازاقستان رەسپۋبليكاسىنىڭ مەملەكەتتىك شەكاراسىن كۇزەتۋ ىسىنە قوسقان ۇلەسى ءۇشىن العىس جاريالانعان.
19) 2020 جىلدىڭ 30 تامىزىندا الماتى وبلىسى جاستار ساياساتى ماسەلەلەرى باسقارماسىنىڭ باسشىسى ج.قاراتاس تاراپىنان ەرىكتىلەر جىلى اياسىندا، جاستاردىڭ قوعامدىق بەلسەندىلىگىن ارتتىرۋ ماقساتىندا ۇيىمداستىرىلعان «SUMMER CAMP – 2020» جاستار اكتيۆىنىڭ جازعى مەكتەبىنە تالىمگەرلىك ەتكەنى ءۇشىن العىس حاتپەن ماراپاتتالعان.
20) 2020 جىلى «Türkiye Türkçesi ve Kazak Türkçesinde Hayvan Adı İçeren Atasözleri Üzerine Karşılaştırmalı Bir Çalışma» تاقىرىبىنداعى دوكتورلىق ديسسەرتاتسياسى تۇركيانىڭ جۇرگىزگەن مونيتورينگ ناتيجەسىنە سايكەس ۇزدىك دەپ تانىلىپ، تۇرىك اعايىنداردىڭ قولداۋىمەن ىستامبۇل قالاسىنداعى «Platanus Publishing» باسپاسىنان مونوگرافيا رەتىندە جارىق كوردى.
21) عىلىمي ماقالالارى وتاندىق جانە شەتەلدىك عىلىمي جۋرنالداردا جاريالانىپ كەلەدى.
اتقارعان قىزمەتتەرى:
1) 2010-2015 جىلدارى ارالىعىندا اقش-تىڭ الماتىداعى حالىقارالىق مەكتەبىندە، الماتىداعى گيمنازيالاردا، ۋنيۆەرسيتەتتە قازاق ءتىلى مەن قازاق ادەبيەتى جانە اعىلشىن ءتىلى بويىنشا وقىتۋشىلىق قىزمەتىن اتقارعان.
2) 2018-2019 جج. قر بعم عك احمەت بايتۇرسىنۇلى اتىنداعى ءتىل ءبىلىمى ينستيتۋتىندا عىلىمي عىزمەتكەر بولعان.
3) 2018-2019 جج. احمەت بايتۇرسىنۇلى اتىنداعى ءتىل ءبىلىمى ينستيتۋتى جانىندا قۇرىلعان جاس عالىمدار كەڭەسىنىڭ توراعاسى.
4) 2018-2019 جج. قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىندا قۇرىلعان ادىستەمەلىك توپتىڭ حاتشىسى.
5) 2019 جىلى قر ءبىلىم جانە عىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم دەپارتامەنتىندە قىزمەت اتقارعان.
6) 2019 جىلدان باستاپ قر بعم عك احمەت بايتۇرسىنۇلى اتىنداعى ءتىل ءبىلىمى ينستيتۋتىندا عىلىمي قىزمەتكەر.
