رەسەي فەدەراتسياسىنىڭ قيىر شىعىسىنداعى «زۆەزدا» كەمە زاۋىتىندا نۇرسۇلتان نازارباەۆتىڭ ەسىمى بەرىلگەن تانكەردى قۇراستىرۋ جوسپار بويىنشا ءجۇرىپ جاتىر. بۇل تۋرالى Profile باسىلىمى حابارلادى.
قازىرگى ۋاقىتتا مەتالل كەسىلىپ، كەمەنىڭ العاشقى بلوكتارى جاساقتالۋدا – دەپ حابارلادى كاسىپورىننىڭ ءباسپاسوز قىزمەتى.
تانكەر رەسەيدىڭ «سوۆرەمەننىي كوممەرچەسكي فلوت» اكتسيونەرلىك قوعامىنىڭ تاپسىرىسى بويىنشا قۇراستىرىلىپ جاتىر. جوسپار بويىنشا تانكەر 2022 جىلدىڭ قىركۇيەگىندە سۋعا تۇسىرىلەدى.
ەستەرىڭىزگە سالايىق، كەمەنى قۇراستىرۋ 2020 جىلدىڭ 6 شىلدەسىندە باستالعان. قازاقستاننىڭ تۇڭعىش پرەزيدەنتى نۇرسۇلتان نازارباەۆ رەسەيمەن ماڭگىلىك دوستىقتىڭ نەگىزىن قالادى. وسىعان وراي سولتۇستىكتەگى كورشىمىز ەلباسىنىڭ 80 جىلدىق مەرەيتويىنا ورايلاستىرىپ زاماناۋي تانكەرلەردىڭ بىرىنە نۇرسۇلتان نازارباەۆ ەسىمىن بەرۋگە شەشىم قابىلداعان بولاتىن.
تانكەردىڭ جوباسىن Hyundai Samho Heavy Industries كومپانياسى ازىرلەدى. ونىڭ ۇزىندىعى 250 مەتر، ەنى – 44 مەتر. كەمە 114 مىڭ توننا مۇناي ءونىمىن تاسىمالداۋعا ارنالادى.
