Reseı Federaııasynyń qıyr shyǵysyndaǵy «Zvezda» keme zaýytynda Nursultan Nazarbaevtyń esimi berilgen tankerdi qurastyrý jospar boıynsha júrip jatyr. Bul týraly Profile basylymy habarlady.
Qazirgi ýaqytta metall kesilip, kemeniń alǵashqy bloktary jasaqtalýda – dep habarlady kásiporynnyń baspasóz qyzmeti.
Tanker Reseıdiń «Sovremennyı kommercheskıı flot» akıonerlik qoǵamynyń tapsyrysy boıynsha qurastyrylyp jatyr. Jospar boıynsha tanker 2022 jyldyń qyrkúıeginde sýǵa túsiriledi.
Esterińizge salaıyq, kemeni qurastyrý 2020 jyldyń 6 shildesinde bastalǵan. Qazaqstannyń Tuńǵysh Prezıdenti Nursultan Nazarbaev Reseımen máńgilik dostyqtyń negizin qalady. Osyǵan oraı soltústiktegi kórshimiz Elbasynyń 80 jyldyq mereıtoıyna oraılastyryp zamanaýı tankerlerdiń birine Nursultan Nazarbaev esimin berýge sheshim qabyldaǵan bolatyn.
Tankerdiń jobasyn Hyundai Samho Heavy Industries kompanııasy ázirledi. Onyń uzyndyǵy 250 metr, eni – 44 metr. Keme 114 myń tonna munaı ónimin tasymaldaýǵa arnalady.
