«اق جول» دەموكراتيالىق پارتياسىنىڭ XVI سايلاۋالدى قۇرىلتايىندا توراعا ازات پەرۋاشەۆ نازارباەۆ باسقارعان تۇستاعى ساياسي جۇيەگە قاتىستى ءوز پىكىرىن ايتتى دەپ حابارلايدى «ادىرنا» ۇلتتىق پورتالى پارتيانىڭ ءباسپاسوز قىزمەتىنە سىلتەمە جاساپ.
«سوڭعى كەزدەگى بىرقاتار وقيعالار تىزبەگى – بىلتىر قازاقستان رەسپۋبليكاسىنىڭ تۇڭعىش پرەزيدەنتى مەملەكەت بيلىگىن وركەنيەتتى تۇردە جاڭا باسشىعا تاپسىرۋى دەر كەزىندە بولعانىن ۋاقىتتىڭ ءوزى دالەلدەپ وتىر. ن.نازارباەۆتىڭ پرەزيدەنتتىك جۇيەسى ەلىمىزدىڭ تاۋەلسىزدىك باستاۋىندا مەملەكەتتىك ينستيتۋتتاردىڭ قالىپتاسۋىندا، تۇبەگەيلى نارىقتىق جانە قوعامدىق رەفورمالاردى جۇرگىزۋدە جانە باسقا ەلدەرمەن قارىم-قاتىناس ورناتۋداعى تاريحي ميسسياسىن ورىندادى. كەلەسى كەزەڭگە قازاقستان قالىپتاسقان مەملەكەت رەتىندە اياق باستى. ال ەندىگى ماسەلەلەردى شەشۋ ءۇشىن جاڭا تاسىلدەر كەرەك. مەملەكەت باسقارۋ ىسىنە قوعام جان-جاقتى ارالاسۋى جانە ونى باقىلاۋى قاجەت»، – دەدى «اق جول» پارتياسىنىڭ توراعاسى.
فوتو اشىق دەرەككوزدەن الىندى.
