بۇگىن وبلىس اكىمى وڭداسىن ءورازاليننىڭ الەۋمەتتىك جەلىدە بەستاماقتاعى جاعدايعا بايلانىستى جازباسى جارىق كوردى. وندا ءوڭىر باسشىسى جەرگىلىكتى ازاماتتارمەن كەزدەسكەنىن، كوپشىلىكتىڭ كوكەيىندەگى ماسەلەنى مۇقيات تىڭداعانى ايتىلعان. وبلىس اكىمى سونداي-اق تۇرعىنداردى سابىرعا شاقىرىپ، ءتيىستى ورگاندارعا تاپسىرما بەرىلگەندىگىن، “پاريجسكايا كوممۋنا – XXI” جشس باسشىلىعىنا شارۋاشىلىقتىڭ باعىتىن وزگەرتۋگە نەمەسە مۇلدەم جابۋ تۋرالى تالاپ قويىلاتىندىعى مالىمدەلگەن.
وڭداسىن ءورازاليننىڭ سوزىنە قاراعاندا كاسىپورىن قورشاعان ورتاعا كەلتىرگەن زياندى زاتتاردى زالاسىزداندىرۋ، وتەماقى تولەتتىرۋ جانە زاڭ اياسىندا جاۋاپقا تارتۋدى مەڭزەسە، ەكىنشىدەن كوپشىلىكتىڭ پىكىرىن ەسكەرە وتىرىپ، تەكسەرىس قورىتىندىسىنىڭ ناتيجەسىمەن «پاريجسكايا كوممۋنا – XXI» جشس باسشىلىعىنا شارۋاشىلىقتىڭ باعىتىن وزگەرتۋگە نەمەسە مۇلدەم جابۋ تۋرالى تالاپ قويىلماق. “قاي ماسەلە بولسا دا اشۋعا سالماي، اقىلعا سالىپ شەشەتىن حالىقپىز. بۇل پروبلەمانىڭ دا وڭتايلى شەشۋ جولدارىن بىرگە قاراپ، ورتاق ءبىر مامىلەگە كەلدىك”،- دەلىنگەن جازبادا.
