قازىرگى زاماندا دامىعان ەلدەردى ەلەكتر جەلىلەرىنسىز ەلەستەتە المايسىز. ال قازىرگىدەي تسيفرلاندىرۋ داۋىرىندە ونىڭ كومەگى ءتىپتى كەرەك-اق. شۇكىر، ەلىمىز ەگەمەندىك العالى، ەلدىڭ ەڭسەسى تىكتەلىپ، دامۋدىڭ الەمدىك كوشىنە ىلەسىپ، دامۋ ۇستىندە. قازىر قازاقستاننىڭ ءار وڭىرىندە ەلەكتر جەلىلەرىمەن، ينتەرنەتپەن قامتۋ جۇمىستارى جولعا قويىلىپ، ءوزىنىڭ وڭ اسەرىن كورسەتە باستادى دەسە بولادى. اتاپ ايتار بولساق، قازىرگى تاڭدا الىپ شاھار شىمكەنتتە بۇل جۇمىستار ءوزىنىڭ وڭ ناتيجەلەرىن كورسەتۋدە.
ناقتى ايتقاندا، قازىرگى ۋاقىتتا شىمكەنتتە ازات، قاراباستاۋ، قاراتوبە، بادام-1, وتەمىس، شاپىراشتى، جىلانبۇزعان، سامال-3, قايتپاس-1 ەلدىمەكەندەرىندەگى 15 مىڭعا جۋىق تۇرعىن ەلەكتر جەلىسىنە قوسىلدى.
سونداي-اق، قازىردە اسار-2, تاسساي، اقتاس-1,2 شاعىن اۋداندارىندا قۇرىلىس جۇمىستارى جۇرگىزىلىپ جاتىر. جىل سوڭىندا اتالعان شاعىناۋدانداردا 8 مىڭنان استام تۇرعىن ساپالى ەلەكترگە قول جەتكىزەدى دەپ كۇتىلۋدە.
بيىل ساپاسى تومەن ەلەكتردەن جارىق الاتىن 16 ەلدىمەكەننىڭ ىشكى ەلەكتر جۇيەلەرى مەن قالانىڭ سولتۇستىك بولىگىن ساپالى ەلەكترمەن قامتۋعا مۇمكىندىك بەرەتىن 3 قوسالقى ستانتسيانىڭ قۇرىلىسى جۇرگىزىلىپ وتىر.
سونىمەن قاتار، جىل سوڭىندا 7 نىساننىڭ قۇرىلىسى اياقتالسا، 13 ەلدىمەكەندە 23,5 مىڭعا جۋىق ادام ساپالى ەلەكتر قۋاتىمەن قامتىلاتىن بولادى.
بۇل شىمكەنت قالاسى اكىمىنىڭ ءباسپاسوز قىزمەتىنىڭ تاراتقان مالىمەتى. اتالعان جۇمىستار ۋاقىتىندا ءارى ساپالى اياقتالىپ، قالا قازىرگىدەن دە اسقاق، ساۋلەتتى، دامىعان مەگاپوليسكە اينالارىنا سەنەمىز.
دۋمان امانجولۇلى،
“ادىرنا” ۇلتتىق پورتالى
