Qazirgi zamanda damyǵan elderdi elektr jelilerinsiz elestete almaısyz. Al qazirgideı ıfrlandyrý dáýirinde onyń kómegi tipti kerek-aq. Shúkir, elimiz egemendik alǵaly, eldiń eńsesi tiktelip, damýdyń álemdik kóshine ilesip, damý ústinde. Qazir Qazaqstannyń ár óńirinde elektr jelilerimen, ınternetpen qamtý jumystary jolǵa qoıylyp, óziniń oń áserin kórsete bastady dese bolady. Atap aıtar bolsaq, qazirgi tańda alyp shahar Shymkentte bul jumystar óziniń oń nátıjelerin kórsetýde.
Naqty aıtqanda, qazirgi ýaqytta Shymkentte Azat, Qarabastaý, Qaratóbe, Badam-1, Ótemis, Shapyrashty, Jylanbuzǵan, Samal-3, Qaıtpas-1 eldimekenderindegi 15 myńǵa jýyq turǵyn elektr jelisine qosyldy.
Sondaı-aq, qazirde Asar-2, Tassaı, Aqtas-1,2 shaǵyn aýdandarynda qurylys jumystary júrgizilip jatyr. Jyl sońynda atalǵan shaǵynaýdandarda 8 myńnan astam turǵyn sapaly elektrge qol jetkizedi dep kútilýde.
Bıyl sapasy tómen elektrden jaryq alatyn 16 eldimekenniń ishki elektr júıeleri men qalanyń soltústik bóligin sapaly elektrmen qamtýǵa múmkindik beretin 3 qosalqy stanııanyń qurylysy júrgizilip otyr.
Sonymen qatar, jyl sońynda 7 nysannyń qurylysy aıaqtalsa, 13 eldimekende 23,5 myńǵa jýyq adam sapaly elektr qýatymen qamtylatyn bolady.
Bul Shymkent qalasy ákiminiń baspasóz qyzmetiniń taratqan málimeti. Atalǵan jumystar ýaqytynda ári sapaly aıaqtalyp, qala qazirgiden de asqaq, sáýletti, damyǵan megapolıske aınalaryna senemiz.
Dýman Amanjoluly,
“Adyrna” ulttyq portaly
