الداعى 50 جىل ىشىندە كەيبىر ەلدەردىڭ حالقى ەداۋىر ازايىپ، سوڭىندا مۇلدەم جوعالىپ كەتۋى مۇمكىن. مۇنداي ءۇمىتسىز بولجامداردى بۇكىل الەمدە جويىلۋ پروتسەستەرىن زەرتتەيتىن عالىمدار جاسادى. بۇل تۋرالى KzNews.kz اقپارات اگەنتتىگىنە سىلتەمە جاساپ «ادىرنا» ۇلتتىق پورتالى حابارلايدى.
ناتيجەلەرى The Lancet جورنالىندا جاريالانعان امەريكاندىق ساراپشىلار قورقىنىشتى جاڭالىق اشتى: بىرقاتار ەلدەردە تۇرعىندار جويىلۋعا قادامدار جاساۋدا. پلانەتاداعى ادامدار سانى ءوزىنىڭ شىڭىنا قاراي جىلجىپ بارا جاتقاندا – 2064 جىلى ءبىزدىڭ پلانەتادا شامامەن 9,7 ميلليارد ادام ءومىر سۇرەدى، سودان كەيىن بۇل كورسەتكىش بىرتىندەپ تومەندەيدى.
ماسەلەن، مىسالى، 2100 جىلعا قاراي پلانەتانىڭ حالقى شامامەن 8,8 ميلليارد ادامدى قۇرايدى، ال كەيبىر ەلدەردىڭ تۇرعىندارىنىڭ سانى جارتىسىنا جۋىق قىسقارادى. بۇل ءبىرىنشى كەزەكتە جاپونيا، يسپانيا، تايلاند جانە ۋكرايناعا ءتيىستى.
«تاعى 34 ەلدە ول 25-30 %-عا تومەندەۋى مۇمكىن، ونىڭ ىشىندە قىتايدا 48,0 %-عا تومەندەۋ كۇتىلۋدە»، – دەيدى عالىمدار.
وسىعان قاراماستان، الەمنىڭ كەيبىر ەلدەرىندە دەموگرافيالىق احۋال ءپوزيتيۆتى جاعدايدا داميدى. بۇل افريكاندىق مەملەكەتتەر – نيگەريا، كونگو دەموكراتيالىق رەسپۋبليكاسى، ەفيوپيا جانە تانزانيا ەكەن.
فوتو اشىق دەرەككوزدەن الىندى.
