الماتىدا 17 جاستاعى قىز بالانى جەزوكشەلىكپەن اينالىسۋعا تارتۋ فاكتىسى انىقتالدى، دەپ حابارلايدى «ادىرنا» ۇلتتىق پورتالى polosia.kz-كە سىلتەمە جاساپ.
– اتالعان ازاماتشا جەزوكشەلىكپەن اينالىسۋعا 17 جانە 22 جاستاعى قىزداردى تارتقان. جەزوكشەلەر وشاعى مەدەۋ اۋدانىنىڭ پۋشكين كوشەسى بويىندا ورنالاسقان تۇرعىن ۇيدە ۇيىمداستىرىلعان. تەرگەۋ بارىسىندا ۇستالعان ازاماتشانىڭ الماتىعا ءوزىنىڭ جەرلەستەرىن جالاقىسى كوپ جۇمىس تاۋىپ بەرەمىن دەگەن جەلەۋمەن الداپ شاقىرىپ العانى بەلگىلى بولدى. الايدا ولاردى جەزوكشەلىكپەن اينالىسۋ كۇتىپ تۇرعان بولىپ شىقتى. قازىرگى تاڭدا كۇدىكتى ازاماتشاعا قاتىستى قر قك-ءنىڭ ەكى بابى بويىنشا كامەلەتكە تولماعان ادامدى جەزوكشەلىكپەن اينالىسۋعا تارتۋ، سونداي-اق جەزوكشەلىكپەن اينالىسۋعا ارنالعان پريتوندار ۇيىمداستىرۋ نەمەسە ولاردى ۇستاۋ جانە جەڭگەتايلىق بويىنشا قىلمىستىق ىستەر قوزعالىپ، كۇدىكتى قاماۋعا الىندى”-دەپ مالىمدەدى الماتى قالاسى پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.
سونداي-اق پوليتسيادا ۇستالعان ازاماتشانىڭ بۇرىن ءوزىنىڭ جاڭا تۋعان بالاسىن ساتقانى ءۇشىن قىلمىستى جاۋاپكەرشىلىككە تارتىلعاندىعىن اتاپ كورسەتتى.
«ادىرنا» ۇلتتىق پورتالى
