ICE لوندون بيرجاسىندا Brent ماركالى مۇنايدىڭ قاڭتارداعى فيۋچەرسىنىڭ باعاسى 3,82% -عا ءوسىپ، ءبىر باررەلى 44,02 اقش دوللارىن قۇرادى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
ماسكەۋ ۋاقىتىمەن 01:05-تەگى جاعداي بويىنشا Brent ماركالى مۇناي باعاسى ءوسىمىن باسەڭدەتىپ، ءبىر باررەلى ءۇشىن 43,99 اقش دوللارى دەڭگەيىندە ساۋدالاندى. WTI مۇنايى 3,64%-عا دەيىن ارتىپ، 1 باررەلى 42,1 اقش دوللارىن قۇرادى. Brent ماركالى مۇنايدىڭ ءبىر باررەلى 44 اقش دوللارىنان سوڭعى رەت بيىلعى جىلدىڭ 4 قىركۇەيەگىندە ساۋدالاندى. Brent مۇنايىنىڭ قىمباتتاۋى اقش ەنەرگەتيكا مينيسترلىگىنىڭ ەسەبىن جاريالاۋ اياسىندا ءجۇردى. وسىلايشا، مينيسترلىك Brent ماركالى مۇناي باعاسىنىڭ 2020 جىلعا ارنالعان بولجامىندا 1 باررەلىنە 41,19 دوللاردان 40,61 دوللارعا دەيىن تومەندەتتى. مينيسترلىكتىڭ باعالاۋىنشا، 2021 جىلى باعا 1 باررەلىنە 46,59 دوللار دەڭگەيىندە بەلگىلەنەدى. ەسكە سالساق، 9 قاراشادا Brent ماركالى مۇناي فيۋچەرسىنىڭ قۇنى 3,04% ءوسىپ، باررەلىنە 40,65 دوللار بولدى. ال كەشە ۇكىمەت وتىرىسىندا قر ۇلتتىق بانك توراعاسى ەربولات دوساەۆ بيىلعى قاراشا ايىندا مۇناي باعاسى كوتەرىلە باستاعانى تۋرالى ايتتى.
فوتو اشىق دەرەككوزدەن الىندى
«ادىرنا» ۇلتتىق پورتالى
