مەلانيا ترامپ كۇيەۋىمەن اجىراسپاق

3221
Adyrna.kz Telegram

اقش-تىڭ قازىرگى پرەزيدەنتى دونالد ترامپتىڭ ايەلى مەلانيا اجىراسۋعا ارىز بەرۋ ءۇشىن جارىنىڭ وكىلەتتىلىگى اياقتالعانىن كۇتىپ وتىر، دەپ حابارلايدى «ادىرنا» ۇلتتىق پورتالى Daily Mail-عا سىلتەمە جاساپ.

«مەلانيا كۇيەۋىنىڭ قىزمەتتەن كەتكەنىن كۇتىپ وتىر جانە اجىراسۋعا دەيىنگى مينۋتتارىن ساناۋمەن وتكىزۋدە»، - دەدى پرەزيدەنتتىڭ بۇرىنعى كومەكشىسى وماروس مانيگا-نيۋمان.

ونىڭ ايتۋىنشا، ەرلى-زايىپتىلار ءالى اجىراسقان جوق، ويتكەنى ءبىرىنشى حانىم جاعىمسىز سالدارعا تاپ بولۋى مۇمكىن.

«مەلانيا ترامپتىڭ بيلىگى كەزىندە شەكتەن تىس قورلىققا قارسى تۇرىپ، كەتىپ قالعان جاعدايدا، جۇبايى ونى جازالاۋدىڭ جولىن تابار ەدى»، - دەپ مالىمدەدى وماروس.

ءبىرىنشى حانىمنىڭ تاعى ءبىر ەكس-كومەكشىسى ستەفاني ۆولكوففتىڭ ايتۋىنشا، ترامپ پەن مەلانيا «ىسكەرلىك نەكەدە» بولعان. ەرلى-زايىپتىلار ءتىپتى بولەك بولمەلەردە ۇيىقتاعان.

ترامپ جۇبايىنىڭ نيۋ-يوركتەن ۆاشينگتونعا قونىس اۋدارۋى يناۋگۋراتسيادان كەيىن بەس ايدان سوڭ بولعان. ول نەكەدەن كەيىنگى كەلىسىم بويىنشا كەلىسسوزدەر جۇرگىزىلۋىنە بايلانىستى ورىن الدى. بۇل ۇلى بەرروننىڭ مۇرادان ءوز ۇلەسىن الۋى قاجەت بولدى.

ايتا كەتەيىك، دونالد پەن مەلانيا ترامپ 2005 جىلدىڭ قاڭتارىندا ۇيلەنگەن. ءبىر جىلدان سوڭ جاس جۇبايلاردىڭ بەررون اتتى ۇلى دۇنيەگە كەلدى.

«ادىرنا» ۇلتتىق پورتالى

پىكىرلەر