عالىمدار جارقاناتتار ارقىلى جۇعاتىن نيپاح ۆيرۋسىنىڭ قاۋپىن ەسكەرتتى، - دەپ حابارلايدى «ادىرنا» ۇلتتىق پورتالى Tengrinews.kz-كە سىلتەمە جاساپ. بۇل تۋرالى امەريكالىق عالىمداردىڭ زەرتتەۋىندە جازىلعان.
نيپاح - بانگلادەش پەن ءۇندىستاننىڭ ادام كوپ شوعىرلانعان اۋداردارىندا جىل سايىن ءورشيتىن، جانۋارلار ارقىلى جۇعاتىن جانە ولىمگە اكەپ سوعاتىن اۋرۋ. ادامدارعا ادەتتە جانۋارلاردىڭ سىلەكەيى تيگەن جەمىستەر ارقىلى جۇعادى. قازىر بۇل ۆيرۋستان ءدارى دە، ۆاكتسينا دا جوق جانە جۇقتىرعانداردىڭ 90 پايىزى قايتىس بولادى.
ماماندار اۋرۋدىڭ بۇرىنعىعا قاراعاندا كوپ تارالىپ جاتقانىن جانە جەمىستەر جوق اۋدانداردا دا ورشىگەنىن بايقاعان. زەرتتەۋشىلەر نيپاحتىڭ SARS-CoV-2-دەن ايىرماشىلىعى ادامنان ادامعا وڭاي جۇقپايدى، بىراق جارقاناتتاردا ۆيرۋستىڭ شتامدارى وزگەرىپ كەزدەسۋى مۇمكىن ەكەنىن ايتتى.
"ەگەر مۇنداي بولىپ جاتسا، وندا سوڭى ولىمگە اكەلەتىن اۋرۋدىڭ تارالۋىنا سەبەپ بولۋى مۇمكىن", - دەدى زەرتتەۋ جەتەكشىسى، دارىگەر دجوناتان ەپشتەين.
عالىمداردىڭ ايتۋىنشا، اۋرۋدىڭ ءورشۋى اياق استىنان بولۋى مۇمكىن. بىراق سيمپتومدارى باسقا اۋرۋلارعا، مىسالى جاپون ەنتسەفاليتىنە جانە ماليارياعا ۇقساس بولعاندىقتان، جۇقتىرعانداردىڭ كوپتىگىنە نازار اۋدارىلماي كەلەدى.
